Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусь заняла другое месца ў былым СССР па тэмпах росту курсу даляра 11:02, 24/01/2002
Беларусь заняла другое месца сярод краін былога СССР па тэмпах росту афіцыйнага курсу даляра ЗША да нацыянальнай валюты ў 2001 годзе. Такі вынік аналізу дадзеных, атрыманых БелаПАН з цэнтральных банкаў гэтых дзяржаў. Лідэрам стаў Узбэкістан, дзе афіцыйны курс даляру вырас за год у 2,1 разы (з 325 да 688 сумоў).
Далей ідзе Беларусь з ростам курсу на 33,9 адсоткі (з 1.180 да 1.580 рублёў), Таджыкістан - на 15,9 адсоткі (з 2,2 да 2,55 самані), Расея - на 7 (з 28,16 да 30,14 рублёў), Малдова - на 5,7 (з 12,3833 да 13,0909 лея), Эстонія - на 5,4 (з 16,81982 да 17,72488 кроны), Азэрбайджан - на 4,6 (з 4,565 да 4,775 манатов), Грузія - на 4,3 (з 1,975 да 2,06 лары), Латвія - на 4,1 (з 0,613 да 0,638 латы), Казахстан - на 3,9 (з 144,50 да 150,20 тэнге), Армэнія - на 1,7 (з 552,18 да 561,81 драмы).
У Літве, дзе літ жорстка прывязаны да даляра, і Туркмэністане, дзе курс даляра да манату вызначаецца адміністратыўным шляхам, афіцыйныя курсы не зьямніліся (адпаведна 4 літы і 5.200 манатаў за даляр). У Кіргізіі афіцыйны курс даляру спаў за год на 1,2 адсоткі (з 48,3041 да 47,7186 сомы), на Ўкраіне - на 2,5 адсоткі (з 5,4345 да 5,2985 грыўны). У самаабвешчанай Прыднястроўскай Малдаўскай Рэспубліцы, дзе ёсьць свая валюта, афіцыйны курс даляра павялічыўся на 9,3 адсоткі (з 5,4 да 5,9 рублі).
, iнформэр
