Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
“Палата” будзе разглядаць папраўкі адносна палітычных партыяў 11:06, 24/01/2002
Папраўкі, якія ўскладняць дзейнасьць беларускіх палітычных партыяў, плянуецца разглядзець на вясновай сэсіі “палаты прадстаўнікоў”. Зараз у Камісіі “палаты прадстаўнікоў” па правох чалавека знаходзіцца законапраэкт, які прадугледжвае закрыцьцё партыяў за адно парушэньне заканадаўства аб масавых мерапрыемствах, якія пацягнулі нанясеньне “істотнага ўрону” правам і законным інтарэсам грамадзян і арганізацыяў.
Да такіх адносяцца: парушэньне руху транспарту, гібель людзей, нанясеньне цяжкіх цялесных пашкоджаньняў аднаму ці некалькім пацярпелым, нанясеньне ўрону ў памеры 10.000 мінімальных заробкаў і больш (62 500 даляраў ЗША). Гэты законапраэкт падрыхтаваны ў адпаведнасьці з дэкрэтам Лукашэнкі ад 7 траўня 2001 году “Аб некаторых мерах па ўдасканаленьні парадку правядзеньня сходаў, мітынгаў, вулічных шэсьцяў, дэманстрацыяў і іншых масавых мерапрыемстваў і пікетаваньня ў РБ”. Аналягічныя папраўкі ўносяцца і ў Закон “Аб сходах, мітынгах, вулічных шэсьцях, дэманстрацыях і пікетаваньнях”.
, iнформэр
