Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Дзярждэп ЗША увёў яшчэ адну форму ў анкеце для атрыманьня візы 11:12, 24/01/2002, АФН
Па рашэньні Дзярждэпартамэнту ЗША ўведзеная новая анкета – заяўка для атрыманьня неіміграцыйнай візы на ўезд у ЗША, а таксама яшчэ адна дадатковая форма. Форма запаўняецца асобамі ва ўзросьце ад 16 да 46 гадоў і ўключае, у прыватнасьці, пытаньні аб навыках карыстаньня агнявой зброяй, выбуховымі рэчывамі, аб навыках працы зь ядзернымі, біялягічнымі й хімічнымі тэхналёгіямі, аб вайсковай службе, аб удзеле ў ваенных канфліктах. Пра гэта паведаміў на брыфінгу прэс-сакратар МЗС Беларусі Павал Латушка.
Новаўвядзеньне зьяўляецца часткай маштабнай праграмы па папярэджаньні ўезду на тэрыторыі краіны тэрарыстычных элементаў, якая праводзіцца ў ЗША пасьля 11 верасьня мінулага году.
Патрабаваньне запаўненьня дадатковай формы не распаўсюджваецца на беларускіх грамадзян, якія зьяўляюцца супрацоўнікамі замежных устаноў Рэспублікі Беларусь у ЗША, і членаў іхных сем’яў, а таксама тых, хто працуе ў міжнародных арганізацыях, якія знаходзяцца на тэрыторыі ЗША.
, iнформэр
