Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Банкам давядзецца выдаткаваць вёсцы 70 мільярдаў рублёў на пасяўную 11:14, 24/01/2002
Нацыянальны банк Беларусі “прапанаваў” выдаткаваць прадпрыемствам аграрнага комплексу на вясновы сеў крэдыты агульным памерам 70 мільярдаў беларускіх рублёў, паведаміў у чацьвер старшыня Праўленьня Нацбанку Пётар Пракаповіч. Паводле ягоных словаў, гэта зроблена па просьбе Мінсельгасхарчу.
У 2001 годзе па рэкамэндацыі Нацбанка адбылося пераразьмеркаваньне кліентаў, занятых у аграрнай сфэры, зь Белаграпрамбанку па іншых буйных банках, якія крэдытуюць праграмы ўраду.
Агульны памер крэдыту банкаў АПК вырас за год у 1,9 разоў да ўзроўня 2000 году.
Пратэрмінованая пазыка вёскі банкам па дадзеных на сьнежань 2001 году пераўзыходзіла 80 мільярдаў беларускіх рублёў.
Згодна прагнозу ўрада, аграрны сэктар атрымае ў 2002 годзе каля 500 мільярдаў беларускіх рублёў, у тым ліку 200 мільярдаў – непасрэдна з бюджэту, што эквівалентна фінансавым датацыям 2001 году, які Савет Міністраў ахарактарызаваў як “высокозатратный”.
Паводле прагнозу Нацбанка, прырост крэдытаў банкаў у 2002 годзе складзе 400-450 мільярдаў ад валавага ўнутранага прадукту (ВУП).
, iнформэр
