Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
1000 прадпрыемстваў будуць адключаныя ад электраэнэргіі 11:11, 28/01/2002
У Беларусі разгортваецца кампанія па барацьбе зь неплацяжамі за выкарыстаньне электраэнэргіі. Пад пагрозаю адключэньня аказалася амаль 1000 прадпрыемстваў. У рэжыме абмежаванай падачы энэргіі - каля 5 тысячаў спажыўцоў. Першай пад санкцыі канцэрну “Белэнэрга” трапіла Гарадзенская вобласьць, дзе пацярпелі 213 прадпрыемстваў.
Як паведамілі карэспандэнту “Союз-инфо” у “Белэнэрга”, у апошні час рэзка вырасла колькасьць юрыдычных неплацельшчыкаў. У выніку запазычанасьць спажыўцоў ужо склала 800 млрд. беларускіх рублёў. “Зараз бясплатных паставак энэргіі ня будзе”, -- заявіў прэзыдэнт канцэрну Яўген Мішук. Паводле ягоных словаў, недаатрыманыя грошы не дазваляюць канцэрну рамантаваць электрасеткі, ажыцьцяўляць будаўніцтва новых станцыяў, своечасова разьлічвацца за газ з Расеяй.
