Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
На Гарадзенскую вобласьць абрушыўся ўраган 11:10, 29/01/2002
Чарговы атлянтычны цыклон прынёс у Беларусь праліўныя дажджы й моцныя парывы ветру. Магутны штармавы вецер абрушыўся гэтай ноччу на Гарадзенскую вобласьць. Як паведамілі карэспандэнту “Саюз-інфа” у Міністэрстве па надзвычайных сытуацыях, ад урагану пацярпелі Навагрудзкі, Зэльвенскі, Карэліцкі, Ваўкавыскі, Слонімскі раёны. У многіх населеных пунктах пазрываныя дахі з жылых, адміністратыўных і вытворчых будынках.
Зараз у вобласьці створаная адмысловая камісія па ліквідацыі наступстваў стыхіі. Паводле папярэдніх ацэнак, народна-гаспадарчаму комплексу нанесены ўрон на дзесяткі мільёнаў беларускіх рублёў.