Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
На пасяўную не хапае больш за 250 мільярдаў рублёў 11:04, 30/01/2002
Дэфіцыт фінансавых сродкаў для правядзеньня веснавых пасяўных працаў у поўным аб`ёме складае 259 млрд. рублёў, у тым ліку ў Берасьцейскай вобласьці - 40 млрд. рублёў, Віцебскай - 55 млрд. руб., Гомельскай - 42 млрд. руб., Гарадзенскай - 33 млрд. руб., Менскай - 48 млрд. руб., Магілёўскай - 41 млрд. руб. Пра гэта было заяўлена 29 студзеня на паседжаньні ў Менску прэзыдыуму Савету Міністраў Беларусі.
Урад даручыў Мінсельгаспраму, Мінэканомікі з мэтай ліквідацыі дэфіцыту фінансавых сродкаў на пасяўную ў двухтыднёвы тэрмін падрыхтаваць неабходныя матэрыялы па выдаткаваньні 60 тыс. тонаў паліва-змазачных матэрыялаў у выглядзе таварнага крэдыту; павялічыць да 1 чэрвеня стаўкі падатку для падтрымкі вытворцаў сельгаспрадукцыі; выдаткаваць частку экспартнай квоты па рэалізацыі калійных угнаеньняў з накіраваньнем валютнай выручкі на дадатковае набыцьцё азотных і фосфарных угнаеньняў на суму 10 млрд. рублёў.
Аблвыканкамам даручана правесьці працу па прыцягненьні шэфскіх арганізацыяў і прамысловых прадпрыемстваў для аказаньня фінансавай дапамогі ў правядзеньні вясновай пасяўной.
, iнформэр
