Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Расейскія прафсаюзы маюць намер пікетаваць амбасаду Беларусі ў Маскве 11:15, 30/01/2002
Выканаўчы камітэт буйнейшага расейскага прафсаюзнага аб’яднаньня – Федэрацыі незалежных прафсаюзаў Расеі – на сваім апошнім паседжаньні прыняў рашэньне правесьці пікетаваньне беларускай амбасады ў Маскве з перадачай заяваў пратэсту супраць парушэньня правоў прафсаюзу ў Беларусі да ўраду і Аляксандра Лукашэнкі.
ФНПР, замежныя й міжнародныя прафсаюзныя арганізацыі, Міжнародная арганізацыя працы неаднаразова зьвярталіся да беларускіх уладаў і ўказвалі на несумяшчальнасьць іхных дзеяньняў з дэмакратычнымі прынцыпамі сацыяльнага партнёрства. Але гэтыя звароты не былі прынятыя да ўвагі кіраўніцтвам краіны, а на апошні зварот старшыні ФНПР да Аляксандра Лукашэнкі з просьбай аб сустрэчы для абмеркаваньня праблемаў парушэньня прафсаюзных правоў у Беларусі было адказана адмоваю.
Калі ўлічваць папярэднія заявы Федэрацыі незалежных прафсаюзаў, а таксама прапановы членскіх арганізацыяў, выканкам ФНПР лічыць неабходным узмацніць дзеяньні салідарнай падтрымкі беларускіх прафсаюзаў, у сувязі з чым зьбіраецца зьвярнуцца да прафцэнтраў краін СНД і Прыбалтыкі з заклікам аб падтрымцы ініцыятывы ФНПР.
, iнформэр
