Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лукашэнка – выкапень сталінскай эпохі 11:05, 01/02/2002
Так назвала беларускага лідэра аўстрыйская газэта “Standard”, якая ў адным са сваіх артыкулаў паставіла пытаньне: чым падобныя польскі антыдэмакрат Лепер зь беларускім дыктатарам Лукашэнкам? Аналізуючы фэномэн усходнеэўрапейскага папулізму й антыдэмакратызму на прыкладзе лідэра польскага руху “Самаабарона” Анджэя Лепера, варшаўскі й венскі філёзафы Крол і Пфавіган упэўненыя, што гэты польскі палітык шмат што пераняў у беларускага дыктатара Лукашэнкі, а ня ў Гітлера й Мусаліні.
Апошнія імкнуліся да ўлады, каб выкарыстоўваць дзяржаву для ажыцьцяўленьня сваіх жаданьняў і праграм. У адрозьненьні ад іх, сучасны беларускі дыктатар дэманструе крайнюю форму постмадэрнісцкай, ірацыянальнай палітыкі, ён бачыць у дзяржаве перашкоды для сваіх дзеяньняў. "Галоўнае для такіх, як Лукашэнка й Лепер, – сканцэнтраваць уладу ў сваіх руках, -- піша “Standard”. – Ім не патрэбны парлямэнт з усімі кампрамісамі. Не патрэбна й прававая дзяржава, таму што гэта сапраўдны вобраз ворага".
“Шансы Захаду паўплываць на Лукашэнку вельмі нязначныя, -- піша аўстрыйскае выданьне. - Беларускі лідэр не паддаецца ніякім аргумэнтам і перакананьням”.
, iнформэр
