Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Рада дырэктараў ААТ “Газпром” на паседжаньні ў панядзелак прыняла рашэньне павялічыць магутнасьць газапроваду “Ямал-Эўропа” і адмовілася ад праекту будаўніцтва газапроваду ў абход Украіны па тэрыторыі Польшчы. Аб гэтым, як перадае “Интерфакс”, паведаміў падчас тэлефоннай канфэрэнцыі з інвэстарамі сябра рады дырэктараў “Газпрома” Барыс Фёдараў.
Рашэньне адмовіцца ад праекту коштам больш за 1 млрд. даляраў прынята з мэтай скарачэньня інвэстыцыйнай праграмы кампаніі, якая не атрымае чаканых сродкаў у выніку скарачэньня ўрадам запытанага “Газпромам” росту коштаў на ўнутраным рынку газу.
Кансорцыум па будаўніцтву газапроваду па тэрыторыі Польшчы й Славакіі ў абход Украіны быў утвораны ўвосень 2000 году ў складзе ААТ “Газпром”, італьянскай "Eni", французскай "Gas de France" і германскіх "Ruhrgas" і "Wintershall".
На дадзены момант па газапроваду “Ямал-Эўропа” экспартуецца каля 17 млрд. кубамэтраў расейскага газу ў год, ягоным пакупніком выступае створаны ў пачатку 1990-х гг. на парытэтнай аснове расейска-германскі гандлёвы дом "WEIH". Мяркуецца, што да 2003 году аб’ём паставак па гэтым газапровадзе павялічыцца прыкладна да 33 млрд. на польскай тэрыторыі.
, iнформэр
