Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Заклік Эўрапарлямэнту аб расьсьледаваньні зьнікненьняў апазыцыянэраў застаўся без адказу 11:08, 05/02/2002
Старшыня дэлегацыі Эўрапарлямэнту па Беларусі, Украіне й Малдове Ян Віерсма й ягоныя намесьнікі – Ленарт Сакрэдэус і Элізабэт Шрэдтэр – даслалі адказ на зварот у гэтую эўрапейскую структуру жонак рэпрэсаваных беларускіх палітыкаў – Людмілы Карпенкі, Ірыны Красоўскай, Сьвятланы Завадзкай, Вольгі Захаранкі, Зінаіды Ганчар, Тацяны Клімавай. “Мы б хацелі запэўніць Вас, -- гаворыцца ў лісьце дэпутатаў Эўрапарлямэнту, -- што будзем працягваць выказваць наш занепакой адносна лёсу Вашых мужоў і адносна парушэньняў правоў чалавека ў Беларусі. На жаль, мы не атрымалі адказу на наш ліст да сп.Лукашэнкі, і мы таксама накіруем яму копію гэтага ліста. Вы будзеце ведаць, што Эўрапейскі Парлямэнт надае большую важкасьць разьвіцьцю фундамэтальных каштоўнасьцяў свабоды, дэмакратыі і ўлады закону. Мы маем намер аказваць гэты ўціск на ўрад Беларусі і надалей, і мы будзем падтрымліваць кантакты з Вамі і з усімі іншымі, і працаваць на тое, каб адбыліся зьмены ў Вашай краіне”.
, iнформэр
