Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Габрэі Беларусі абвінавацілі ўлады ў антысемітызме 11:13, 05/02/2002
Дзеяньне папраўкі Джэксана-Вэніка, уведзенай у 1974 годзе ў сувязі з дыскрымінацыяй габрэяў у СССР, павінна распаўсюджвацца і на сёньняшнюю Беларусь. Пра гэта заявіў кіраўнік Сусьветнай арганізацыі беларускіх габрэяў Якаў Гутман.
Гутман лічыць, што беларускія ўлады працягваюць савецкую практыку антысемітызму. У якасьці прыкладу ён прыводзіць санкцыянаванае ўладамі разбурэньне будынку былой сінагогі ў Менску на вул. Дзімітрава, 3. Спробы ўратаваць будынак сінагогі не прынеслі посьпеху. І зараз на гэтым мейсцы будуецца жылы дом. Саюз мастакоў, якому фармальна належыць будынак былой сінагогі, дазволіў кампаніі “Камкон” пабудаваць дом узамен на майстэрні для масткоў на гарышчы.
Якаў Гутман зьвярнуўся да амэрыканскіх кангрэсмэнаў. Ён параўноўвае дзеяньні ўладаў, якія дазволілі разбурыць помнік гісторыі, зь дзеяньнямі аўганскіх талібаў, што зьнічтожылі статуі Будды.
Гутман зьвярнуўся да кіраўніка Гэльсынскай камісіі кангрэсу ЗША па дэмакратыі і правох чалавека Крыстафера Сьміта і да кангрэсмэна Пітэра Дойча (продкі якога былі беларусамі) з заклікам не адмяняць адносна Беларусі дыскрымінацыйнай папраўкі Джэксана-Вэніка.
, iнформэр
