Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У адносінах Беларусі й Захаду наступае “ледніковы пэрыяд” 11:19, 05/02/2002
У адносінах Беларусі й Захаду можа “наступіць ледніковы пэрыяд у выпадку, калі афіцыйны Менск ня зробіць пэўныя крокі на шляху дэмакратызацыі”. Пра гэта ў інтэрвію “Интерфаксу” заявіла кіраўнік адмысловай працоўнай групы па Беларусі ПА АБСЭ Ута Цапф. Паводле ейных словаў, "нумарам адзін” у сьпісе патрабаваньняў ПА АБСЭ стаіць “урэгуляваньне сытуацыі з працай у Менску Кансультатыўна-назіральнае групы АБСЭ”. Ута Цапф агаварылася, што “гэтая праблема не зьвязаная наўпрост з працай адмысловай групы ПА АБСЭ, але яна стварае палітычную атмасфэру вакол астатніх пытаньняў”. На думку спадарыні Цапф, Беларусі варта пашырыць функцыі парлямэнту, зьмяніць заканадаўства аб сродках масавай інфармацыі і ўвесьці пасаду ўпаўнаважанага па правох чалавека. У выпадку, калі гэта ня будзе зроблена, “распрацоўваемая эўрапейскімі міжнароднымі арганізацыямі й ЗША канцэпцыя наладжваньня адносінаў зь Беларусяй будзе проста выкінутая ў сьметніцу”, -- заявіла Ута Цапф.
, iнформэр
