Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
На Беларусі праводзіцца палітыка “ўціску ўніяцкай царквы” 11:15, 07/02/2002
Так мяркуе старшыня грэка-каталіцкай парафіі Полацку Мікалай Шарах. “Пра такую палітыку дзяржавы сьведчыць той факт, што нашай канфэсіі вярнулі толькі адзін са шматлікіх храмаў, пабудаваных у пэрыяд Берасьцейскай царкоўнай уніі з 1596-га па 1839 год, калі ў Беларусі была зьліквідаваная ўніяцкая царква пасьля таго, як тэрыторыя краіны ўвайшла ў склад Расейскай імпэрыі”, -- сказаў Шарах у інтэрвію БелаПАН.
Паводле ягоных словаў, усе спробы вярнуць вернікам уніяцкія храмы ў Віцебску й Менску ня далі выніку. “Дзяржава ня вельмі клапоціцца аб прыняцьці гістарычна справядлівага рашэньня адносна ўласнасьці нашай канфэсіі”, -- лічыць Шарах. Старшыня рады паведаміў, што сёньня беларускія грэка-каталікі спраўляюць службу ў прыстасаваных памяшканьнях і храмах рыма-каталіцкай царквы. Толькі ў Полацку мясцовая абшчына ўніятаў пабудавала невялікую царкву сьвятой Параскевы Полацкай. “Пазыцыя дзяржавы да ўніяцкай царквы праяўляецца ў цяжкасьцях з рэгістрацыяй грэка-каталіцкіх абшчынаў, -- сказаў Шарах. – Іхны ўлік замаруджваецца пад рознымі прадлогамі, у прыватнасьці, зьяўляюцца праблемы пры рэгістрацыі юрыдычнай адрэсы”.
