Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Улады працягваюць настойваць на пераглядзе мандату КНГ АБСЭ 11:21, 07/02/2002
Беларускі бок працягвае настойваць на пераглядзе мандату Кансультацыйна-назіральнае групы АБСЭ ў Менску. Як заявіў 7 лютага на брыфінгу ў Менску прэсавы сакратар МЗС Беларусі Павал Латушка, КНГ АБСЭ ня можа ў сваёй дзейнасьці на тэрыторыі Беларусі мець палітычныя мэты. МЗС Беларусі, паводле словаў прэсавага сакратара, цэніць візыт у Менск працоўнай групы па Беларусі Парлямэнцкай асамблеі АБСЭ, аднак, падкрэсьліў Латушка, падыходы АБСЭ і Беларусі па шэрагу пытаньняў “некалькі адрозьніваюцца”.
Нагадаем, што працоўная група па Беларусі па выніках візыту ў Менск падрыхтуе справаздачу, зь якой азнаёміцца Сталы камітэт Парлямэнцкай асамблеі АБСЭ. 21 лютага ў Вене на паседжаньні Сталага камітэту зноў будзе разглядацца беларускае пытаньне. Плянавалася, што новы кіраўнік КНГ АБСЭ ў Менску Эбэрхард Хайкэн да гэтага часу пачне працу. Аднак беларускія ўлады заявілі, што дадуць згоду на ягоную кандыдатуру толькі пасьля “ўдакладненьня” мандату групы.
