Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
ЗУБР папярэджвае аб радыяцыйнай пагрозе 11:12, 08/02/2002
Актывісты моладзевага руху ЗУБР правялі акцыю па раздачы жыхарам Берасьці ўлётак з папярэджаньнем аб магчымай радыяцыйнай небясьпечнасьці ад магільніку радыяктыўных адходаў, што будуецца побач з абласным цэнтрам. “Берасьце рызыкуе стаць другім Чарнобылем”, -- з такім папярэджаньнем яны выйшлі на вуліцы Берасьці.
Актывісты руху ЗУБР раздавалі мінакам улёткі, у якіх гаварылася аб небясьпечнасьці радыяктыўных захаваньняў непадалёку ад гарадзкой мяжы, за 20 км ад гораду, ля вёскі Струга, у адным з лепшых на грыбы месцаў Берасьцейскага раёну, дзе будуецца магільнік, куды будуць звозіць радыёактыўны грунт з “аб’екту 802”, разьмешчанага ў самым Берасьці.
“Дзяржаўныя СМІ будуць запэўніваць вас у поўнай бясьпецы магільніку, аб суперсучасных тэхналёгіях, якія будуць выкарыстоўвацца пры ягоным будаўніцтве. Але хіба можна схаваць радыяцыю?” – гаворыцца ва ўлётцы. У ёй падрабязна апісваюцца наступствы стварэньня такога захаваньня й даюцца тэлефоны, у тым ліку і хатнія, усіх службовых асобаў, датычных да гэтага будаўніцтва.
, iнформэр
