Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
27% сталічных прадпрыемстваў зьнізілі аб’ёмы вытворчасьці 11:10, 11/02/2002
Тэмпы росту прамысловай вытворчасьці на прадпрыемствах сталіцы ў студзені гэтага году склалі роўна 100 адсоткаў. Ні на адну дзесятую не ўдалося павялічыць асноўныя прагнозныя паказчыкі. Аб гэтым праінфармаваў калег на аператыўнай нарадзе ў сталічнай мэрыі 11 лютага першы намесьнік старшыні Менгарвыканкаму Мікалай Ярохаў.
Паводле ягоных словаў, вельмі слаба працавалі Менскі трактарны завод, ААТ “Млітэпс”, “Алеся”, СП “ЛеГранд”. Мікалай Ярохаў адзначыў, што 27 адсоткаў сталічных прадпрыемстваў у студзені зьнізілі аб’ёмы вытворчасьці. Больш за ўсё такіх прадпрыемстваў у Першамайскім раёне – 13, у Маскоўскім - 12, Заводзкім – 10, у Партызанскім — 9. Не задавальняе кіраўнікоў гарадзкой выканаўчай улады і той факт, што ў студзені падаткаў было сабрана ўсяго 79 адсоткаў ад той сумы, якая магла б дапоўніць “казну” сталіцы.
, iнформэр
