Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пагаршэньне фінансавага становішча вялікай колькасьці беларускіх прадпрыемстваў зьявілася галоўнай прычынай таго, што плян па падатку на прыбытак быў выкананы летась меней чым на 80%. Пра гэта заявіў міністар па падатках і зборах Беларусі Канстанцін Сумар у сваім выступе на паседжаньні калегіі свайго ведамства. Паводле словаў міністра, прыбытак ад рэалізацыі прадукцыі ў супаставімых коштах ў 2001 годзе скараціўся на 27,2%, рэнтабельнасьць зьменшылася з 13,5% да 8,9%, а колькасьць стратных прадпрыемстваў павялічылася з 21,1 да 35%.
Пры гэтым асаблівую занепакоенасьць у міністра па падатках і зборах выклікаў рост стратных прадпрыемстваў з замежнымі інвэстыцыямі. Паводле ягонай інфармацыі, доля стратных прадпрыемстваў гэтай групы падаткаплацельшчыкаў у 2 разы пераўзышла долю стратных дзяржаўных і акцыянэрных прадпрыемстваў.
Вострай праблемай назваў міністар рост запазычанасьцяў прадпрыемстваў. Паводле ягоных словаў, на пачатак гэтага году яны склалі больш за 134 млрд. руб.
Пры гэтым запазычанасьць дзяржаўных прадпрыемстваў павялічылася ў 1,8 разы, недзяржаўных – у 1,1 разы.
, iнформэр
