Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Дзень ЗУБРа адбыўся ў Эўропе й Новай Зэляндыі 11:11, 15/02/2002
Больш за 20 груп праваабарончай арганізацыі Amnesty International правялі акцыі салідарнасьці з рухам ЗУБР 13 лютага ў гарадох Нямеччыны, Швэйцарыі й Новай Зэляндыі. Студэнты-праваабаронцы Бэрліну, Бона, Карлсруе, Гэнфа, Бэрна, Дортмунда, Аалэна, Туна, Эмдэна, Мэсігэна, Бурга на Фемарне і Окланда выказалі падтрымку сваім беларускім аднагодкам.
У навучальных установах і пешаходных зонах праваабаронцы правялі разадачу брашур, на старонках якіх распавядаецца аб парушэньнях правоў чалавека да актывістаў ЗУБРа. Былі разгорнутыя фотавыставы, прысьвечаныя дзейнасьці руху. Шэсьць Бэрлінскіх групаў Amnesty International правялі пікет ля Рэйхстага й беларускай амбасады. Праваабаронцы адкрылі таксама інтэрнэт-сайт www.ai-1066.de, дзе прапаноўваецца адправіць на электронную адрэсу Лукашэнкі ліст з пратэстам супраць парушэньняў правоў чалавека ў Беларусі.
