У сусьветнай інтэрнэт-акцыі ў падтрымку ЗУБРа прыняла ўдзел першая тысяча чалавек :: Хартыя'97 :: Навiны

Першая тысяча чалавек прыняла ўдзел у віртуальнай акцыі салідарнасьці зь беларускім рухам ЗУБР. З 13 лютага з вэб-сайту Бонскай групы аўтарытэтнай праваабарончай арганізацыі Amnesty International www.ai-1066.de усе тыя, хто ўзрушаны рэпрэсіямі беларускага рэжыму адносна актывістаў ЗУБРа, могуць адправіць электронны ліст на адрэсу Аляксандра Лукашэнкі.

У электронным лісьце гаврыцца, што “..вялікая колькасьць актывістаў ЗУБРа падвяргалася прыводу ў міліцэйскія ўчасткі, что, відавочна, зьяўлялася спробай зашкодзіць іх палітычнай дзейнасьці. Узрушылі нас паведамленьні аб катаваньнях актывістаў ЗУБРа, ў тым ліку дзяўчын. Пасьля падпісаньня міжнародных дамоваў, у тым ліку Пакту аб грамадзянскіх і Палітычных правох, а таксама Канвэнцыыяў, якія забараняюць катаваньні, Беларусь узяла на сябе абавязацельствы захоўваць правы чалавека. Таму я прашу Вас прасачыць за тым, каб беларускія паліцэйскія чыноўнікі паводзілі сябе згодна міжнародных юрыдычных стандартаў, якія забараняюць катаваньні вязьняў...”

Арганізатары акцыі падкрэсьлілі таксама, што такім чынам праваабаронцы зьвяртаюць увагу сусьветнай грамадзкасьці на катастрафічную сытуацыю з правамі чалавека ў Беларусі.

Акцыя ў падтрымку ЗУБРа праходзіць ня толькі ў Інтэрнэце. 13 лютага ў дваццаці гарадох Нямеччыны, Швэйцарыі й Новай Зэляндыі актывісты дзясяткаў груп Amnesty International правялі пікеты з раздачай брашур, якія распавядаюць пра дзейнасьць беларускага моладзевага руху. У Бэрліне пікеты прайшлі ля Рэйхстага і амбасады Беларусі.