Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
На сэсіі ПА АБСЭ Беларусь будзе прадстаўляць толькі апазыцыя 11:16, 20/02/2002
Дэлегацыя Беларусі наведае сёньня Вену, дзе 21-22 лютага будзе праходзіць зімовая сэсія Парлямэнцкай Асамблеі АБСЭ. У склад дэлегацыі ўваходзяць старшыня Аб’яднанай грамадзянскай партыі Анатоль Лябедзька, старшыня жаночай партыі “Надзея” Валянціна Палевікова й намесьнік старшыні беларускай сацыял-дэмакратычнай партыі “Народная грамада” Ўладзімер Нісьцюк. Яны будуць мець у Вене статус назіральнікаў.
Напярэдадні ад’езду кіраўнік дэлегацыі Лябедзька заявіў, што “мэта візыту простая — беларускае пытаньне ў Вене павінна гучаць, якім бы фармат ягонага разгляду ня быў”.
Беларуская дэлегацыя мае намер пераканаць міжнародных парлямэнтараў у тым, каб пакінуць за Вярхоўным Саветам права прадстаўляць Беларусь у міжнародных арганізацыях, бо “Вярхоўны Савет застаецца ў краіне апошнім легітымным парлямэнтам”. Што да цяпершаняга парлямэнту – “нацыянальнага сходу”, то ён нелегітымны.
Дэлегацыя ад “нацыянальнага сходу” – органу, які застаецца непрызнаным АБСЭ, ня будзе прымаць удзел у працы Парлямэнцкай Асамблеі. Анатоль Малафееў, які ачольвае ў ніжняй “палаце” камісію па міжнародных справах, заявіў, што адмова ад паездкі ў Вену выклікана адсутнасьцю ў парадку дня сэсіі “беларускага пытаньня”.
, iнформэр
