Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
На Гомельшчыне арыштавалі адказных за надзвычайныя сытуацыі 11:06, 21/02/2002
Гомельскім упраўленьнем камітэту арганізаванай злачыннасьці й карупцыі арыштаваныя два адказных супрацоўнікі Гомельскага ўпраўленьня Міністэрства па надзвычайных сытуацыях. За краты трапілі начальнік службы забесьпячэньня ўпраўленьня Аляксей Маскальчук і намесьнік кіраўніка Буда-Кашалёўскай ратавальнай службы Мікалай Залескі.
Згодна інфармацыі рэгіянальнага ўпраўленьня камітэту арганізаванай злачыннасьці й карупцыі, Маскальчук абвінавачваецца ў крадзяжы адмысловага адзеньня пажарных на суму каля 6 мільёнаў рублёў. Зараз ён знаходзіцца ў ізалятары часовага ўтрыманьня.
Намесьнік кіраўніка Буда-Кашалёўскай ратавальнай службы Залескі арыштаваны за хабар.
Супрацоўнікі Камітэту арганізаванай злачыннасьці й карупцыі на дадзены момант правяраюць і іншыя падразьдзелы кіраваньня па надзвычайных сытуацыях.
