Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускія ўлады выказалі пратэст супраць таго, што “нацыянальны сход” ня мае магчымасьці прымаць удзел ў працы Парлямэнцкай асамблеі Арганізацыі па бясьпецы й супрацоўніцтву ў Эўропе (ПА АБСЭ). Заяву адносна гэтага ад імя беларускага ўраду зрабіў сталы прадстаўнік Беларусі пры АБСЭ Віктар Гайсёнак на паседжаньні Сталай рады гэтай арганізацыі. Як адзначыў на брыфінгу ў беларускім замежнапалітычным ведамстве прэсавы сакратар МЗС Беларусі Павал Латушка, падставаю для заявы паслужыў той факт, што дэлегацыя беларускага парлямэнту не атрымала афіцыйнага запрашэньня на сэсію ПА АБСЭ, якая праходзіць 21-22 лютага ў Вене.
На думку прэсавага сакратара МЗС Беларусі, “кіраўніцтва ПА АБСЭ заняла неканструктыўную пазыцыю і не праявіла гатоўнасьці да дыялёгу з “нацыянальным сходам” рэспублікі”. Пры гэтым Латушка адзначыў: “На эмацыянальным узроўні мы ня будзем прымаць рашэньне аб членстве Беларусі ў АБСЭ”.
