Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Менскія ўлады запатрабавалі ад кіраўніцтва Аб’яднанай грамадзянскай партыі да 15 сакавіка высяліцца з арэндаваных памяшканьняў. Як паведамілі БелаПАН у прэсавай службе АГП, гарадзкія чыноўнікі тлумачаць сваё патрабаваньне тым, што будынак, у якім знаходзіцца офіс партыі, мае патрэбу ў капітальным рамонце. У сваю чаргу, прадстаўнікі АГП лічыць, што дзеяньні ўладаў парушаюць абавязацельствы дамоваў, і прыгразілі падаць скаргу ў суд.
Офіс партыі знаходзіцца ў зручным мейсцы ў цэнтры Менску (вуліца Камсамольская). Паводле словаў прэсавага сакратара АГП Андрэя Максімава, партыю вельмі задавальняў нізкі кошт арэнды памяшканьня – 2 даляры за квадратны мэтар, у той час як звычайная стаўка ў цэнтры не ніжэй за 10 даляраў. Лідэр партыі Анатоль Лябедзька пакуль ня кажа аб палітычным падтэксьце ўладаў. Патрабаваньні аб высяленьні прад’яўленыя і іншым арганізацыям, якія маюць свае офісы ў гэтым жа будынку. Але сытуацыя можа зьмяніцца, калі пасьля 15 сакавіка будзе выселенае толькі АГП. А да гэтага часу кіраўніцтва апазыцыйнай партыі шукае новае памяшканьне пад офіс.
, iнформэр
