Юшчанка: украінцы павінны аб’ядноўвацца, каб стаць эўрапейскай нацыяй :: Хартыя'97 :: Навiны

Грамадзне Ўкраіны, калі яны “хочуць стаць вышэй за абставіны й стаць эўрапейскай нацыяй, павінны быць аб’яднанымі і не падзяляцца па веры, мове ці месцу жыхарства”, -- заявіў лідэр блёку “Наша Ўкраіна” Віктар Юшчанка на прэсавай канфэрэнцыі ў Севераданецку Луганскай вобласьці. Як перадае карэспандэнт УНИАН, на пытаньне журналістаў, як успрымуць лугачане ідэі блёку “Наша Украіна”, Юшчанка сказаў: “Складанасьць нашай праграмы менавіта ў тым, як аб’яднаць лугачанаў з іншымі выбаршчыкамі, якія жывуць ў іншых рэгіёнах, і перканаць усіх, што няма розьніцы ў іхных ідэйных поглядах”.

Сёньня пачаўся другі этап выбарчага тура лідэра блёку “Наша Ўкраіна” Юшчанкі па ўсходніх абласьцёх Украіны.

Другі тур будзе працягвацца з 26 па 4 сакавіка. У гэты час Юшчанка павінен наведаць Луганскую, Данецкую, Запароскую і Днепрапятроўскую вобласьці.