Падаткавыя органы маюць намер змагацца з заробкам “у капэртах” :: Хартыя'97 :: Навiны

Падаткавыя органы Беларусі маюць намер змагацца з фактамі выплаты заробку “у капэртах”, заявіў намесьнік міністра па падатках й зборах Аляксандар Дарашэнка. Асноўная мэта – прыватныя прадпрыемствы, бо на дзяржаўных прадпрыемствах “дастаткова добры ўлік й добры кантроль”, дічыць Дарашэнка. “У асноўным гэта суб’екты гаспадараньня недзяржаўнай формы ўласнасьці, як прадпрымальнікі без утварэньня юрыдычнай асобы, так і юрыдычныя асобы, якія маюць роныя формы ўласнасьці, акрамя дзяржаўнай”, -- падкрэсьліў Дарашэнка.

Паводле ягоных словаў, мэтады, якім падаткавая інспэкцыя змагаецца зь недобрасумленнымі падаткаплацельшчыкамі “ва ўсім сьвеце лічацца закрытымі”. Між тым, сутнасьць аднаго з такіх мэтадаў была раскрыта. Увага будзе зьвяртацца на факты, калі асобныя прадпрыемствы не выплочвалі заробак сваім супрацоўнікам.

Як паведаміў Дарашэнка, па выніках дэкляраваньня сукупнага гадавога даходу, пасьля 1 сакавіка, гэтых людзей будуць выклікаць у падаткавыя інсьпекцыі, і ў іх будуць патрабаваць дэклярацыі аб даходах і маёмасьці. “Вы выдатна разумееце – не зарабляць заробак, за што яны жылі?”, -- адзначыў намесьнік кіраўніка МНС. Пры гэтым ён падкрэсьліў, што размова йдзе не аб прадпрыемствах, якія з-за нейкіх эканамічных прычынаў ня выплацілі своечасова заробак “за месяц, два, тры”. Размова йдзе аб тых суб’ектах гаспадараньня, якія не выплочвалі заробак год. “Ну, немагчыма год не выплочваць заробак, -- сказаў Дарашэнка.—За што чалавек жыў увесь гэты час?”, -- паведамляе “БДГ”.