На траціну падаражэлі паслугі таксовак :: Хартыя'97 :: Навiны

28 лютага ў Беларусі зноў вырасьлі тарыфы на перавозку пасажыраў леккавымі таксоўкамі. Паслугі таксі падаражэлі амаль на 30 адсоткаў. Як патлумачыў БелаПАН дырэктар дэпартамэнту аўтамабільнага транспарту Міністэрства транспарту й камунікацыяў Беларусі Валеры Міленькі, такі імклівы рост кошту паслугаў таксі зьвязаны з цэлым шэрагам фактараў: павелічэньнем асобных падаткаў і пляцяжоў, пэўным ростам кошту бензіну апошнімі месяцамі і шэрагам іншых. Сёньняшняе павышэньне тарыфаў дазволіць перавозчыкам працаваць хоць зь невялікай рэнтабельнасьцю і неяк абнаўляць свой парк.

Зараз кошт аднаго кілёмэтру прабегу й пасадка ў таксі ў дзённы час (з 6 да 22 гадзін) складае 450 рублёў (было 3.500 рублёў). Ноччу (з 22 да 6 гадзін) кілёмэтар прабегу й пасадка ў таксі будуць каштаваць пасажыру 675 рублёў (было 525), а за адну гадзіну начнога прастою пры выключаным таксомэтры зараз давядзецца выкласьці 6.750 рублёў (было 5.520 рублёў). Кошт аднаго заказу таксі вырас на 100 рублёў і складае 400 рублёў.

Папярэдняе падвышэньне тарыфаў на перавозку пасажыраў ў леккавым таксі адбылося ў канцы лістапада 2001 году.