Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пад гэтым лёзунгам прайшла чарговая акцыя руху супраціву ЗУБР у абарону будынкаў у старой частцы Барысаву. Многія з гэтых будынкаў былі ўзьведзеныя яшчэ сто гадоў таму. Больш за 100 зуброў сабраліся 10 сакавіка ў 11.00 ля барысаўскага кінатэатру “Перамога”. Частка зуброў стаяла з расьцяжкамі з надпісам: “Спачатку ў нас адымаюць гісторыю, потым – памяць, пасьля – СВАБОДУ!” і “Што мы пакінем нашым нашчадкам?”.
Зубры раздавалі мінакам улёткі з заклікам спыніць знос гістарычна каштоўных будынкаў гораду. Ва ўлётках былі пазначаныя тэлефоны чыноўнікаў, адказных за знос будынкаў. Кожнаму жадаючаму прапаноўвалася патэлефанаваць й запатарабаваць ад гарадзкіх начальнікаў спыніць разбурэньне гістарычнай спадчыны.
Мінакі з разуменьнем ставіліся да зуброў і многія, у знак салідарнасьці, ставілі свае подпісы ў абарону гісторычнай спадчыны гораду. Пікет паступова перарос ў масавую акцыю пратэсту супраць свавольства ўладаў.
Акцыя доўжылася больш за гадзіну й прайшла без затрыманьняў. За час правядзеньня акцыі зубры сабралі больш за тры сотні подпісаў і раздалі сотні ўлётак.
, iнформэр
