Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У доме бацькоў Паўла Севярынца апісалі маёмасьць 11:11, 11/03/2002
У доме бацькоў лідэра Маладога Фронту Паўла Севярынца, якія пражываюць ў Віцебску, вечарам 6 сакавіка судовыя выканаўцы апісалі маёмасьць. Паводле словаў Севярынца, гэта адбылося пасьля таго, як пастановаю суда Савецкага раёну Менску ён атрымаў штраф у памеры 300 мінімальных заробкаў (1 800 даляраў ЗША) за ўдзел у шэсьці, якое адбылося ў Менску 14 лютага, у дзень Сьвятога Валянціна.
Трэба адзначыць, што вопіс адбываўся ў адсутнасьці гаспадароў кватэры – бацькоў Севярынца. У кватэры знаходзілася ягоная сястра з маленькім сынам, якая нават не прапісаная ў гэтай кватэры. За некалькі гадзін судовыя выканаўцы апісалі цалкам усю маёмасьць, якая мела хоць нейкую каштоўнасьць – ад тэлевізара да ложка палутарагадовага пляменьніка Паўла Севярынца – Глеба.
Бацькі Севярынца маюць намер зьвяртацца ў суд і пракуратуру Віцебску са скаргамі на незаконныя дзеяньні судовых выканаўцаў, бо Паўлу Севярынцу ў гэтай кватэры амаль нічога не належыць. Ён тут не жыве, нягледзячы на тое, што прапісаны ў кватэры бацькоў. Як адзначыў лідэр Маладога Фронту ў размове з карэспандэнтам БелаПАН, судовых выканаўцаў не спыніла і тое, што пастанова аб штрафе абскарджаная ў гарадзкім судзе Менску.
, iнформэр
