Даляр на «чорным» рынку пераваліў за 1.700 рублёў :: Хартыя'97 :: Навiны

На мінулым тыдні (4-10 сакавіка) курс даляра США да беларускага рубля вырас на ўсіх сэгмэнтах валютнага рынку. На таргах валютна-фондавай біржы даляр падаражэў на 0,3 адсоткі (з 1.670 да 1.675 рублёў), эўра - на 1,7 (з 1.446 да 1.470), расейскі рубель - на 0,1 (з 53,97 да 54,04). На "чорным" рынку наяўнай валюты курс даляру павялічыўся на 0,9 адсоткі (з 1.675 да 1.690 рублёў пры набыцьці, з 1.685 да 1.700 рублёў пры продажу), паведамляе БелаПАН.

У панядзелак, 11 сакавіка, курс пакупкі дасягнуў 1.695-1.700, продажу - 1.710 рублёў. У абменных пунктах камэрцыйных банкаў курс даляру вырас за тыдзень на 0,4 адсоткі (з 1.655-1.670 да 1.660-1.680 рублёў пры набыцьці, з 1.680-1.690 да 1.685-1.695 рублёў пры продажу). На ўнутраным замежнабіржавым безнаяўным рынку каціроўка даляру павялічылася на 0,3 адсоткі (з 1.675-1.680 да 1.680-1.685 рублёў).

З пачатку месяца біржавы й пазабіржавы курсы даляру вырасьлі на 0,3 адсоткі, “чорны” наяўны - на 0,9, банкаўскі наяўны - на 0,4. Афіцыйны курс даляра да расейскага рубля, які ўстаноўліваецца Цэнтральным банкам РФ. Па выніках мінулага тыдня вырас на 0,2 адсоткі (з 30,9436 да 30,9946 рублі), з пачатку месяца – таксама на 0,2 адсоткі. Курс беларускага рубля да расейскага зьнізіўся за тыдзень на 0,04 адсоткі (з 18,4290 да 18,4211 расейскага рубля за 1.000 беларускіх), з пачатку месяца - вырас на 0,1 адсоткі. У пераліку па крос-курсу каціроўка даляра да беларускага рубля вырасла за тыдзень на 0,2 адсоткі (з 1.679,07 да 1.682,56), з пачатку месяца - на 0,1 адсоткі.