 | ПАЛIТЫКА | |
Ці пастаўляюць Украіна й Беларусь зброю Іраку?
11:14, 15/03/2002, Джэфры Данаван, RFE/RL
У той час як амэрыканскі прэзыдэнт Джорж Буш накіроўвае сваю рыторыку супраць Садама Гусэйна, усё больш увагі прыцягваюці зьвесткі аб тым, што Ўкраіна й Беларусь прадаюць вайсковыя сыстэмы Багдаду. Гэтыя сыстэмы могуць у будучым выкарыстоўвацца для таго, каб зьбіваць самалёты ЗША й Вялікабрытаніі, якія патрулююць зоны над Іракам, у якіх забароненыя палёты, а таксама могуць выкарыстоўвацца ў любым магчымым канфлікце з Іракам. 
11:13, 15/03/2002
Супрацоўніцтву Беларусі зь Іракам замінае эканамічная блякада Багдада. Пра гэта заявіў у пятніцу намесьнік галавы адміністрацыі прэзыдэнта Леанід Козік. “Эканамічная блякада Ірака замінае разьвіцьцю нашых стасункаў і мы павінны садзейнічаць адмене такіх мер”, - сказаў Козік. У сваю чаргу кіраўнік іракскай дэлегацыі віцэ-прэм’ер, міністар фінансаў Ірака Хікмат Аль-Азаві, які знаходзіцца ў Менску з учорашняга дня, заявіў, што ў выпадку адмены санкцыяў Беларусь і Ірак маглі б павялічыць маштабы супрацоўніцтва й пашырыць сфэру партнёрства.
11:12, 15/03/2002
Аляксандар Лукашэнка праводзіць свой адпачынак ў 5-зоркавым гатэлі “Клостэрброй” у Альпах і прабудзе там да нядзелі, 17 сакавіка. “Каралеўскія апартамэнты” гатэлю, у якіх пражывае Лукашэнка, каштуюць 780 эўра ў суткі (звыш 700 даляраў). 10-дзённае знаходжаньне Лукашэнкі ў гэтым нумары абыйшлося ў суму, якая пераўзыходзіць ягоны афіцыйны гадавы заробак прэзыдэнта Беларусі, паведамляе www.yusnews.com
11:11, 15/03/2002, GazetaSNG
З 15 сакавіка, у адпаведнасьці з законам аб выбарах, украінскім сацыёлягам забаронена агучваць вынікі сваёй працы “аб рэйтынгах і адсотках” палітычных партыяў і блёкаў, што імкнуцца трапіць у Вярхоўную Раду. Напэўна, гэта юрыдычная норма і стала прычынай таго, што амаль усе незалежныя навуковыя інстытуты й сацыёлягі пасьпяшылі ў апошні раз даць “дакладны прагноз”, хто ж пераможа на парлямэнцкіх выбарах на Ўкраіне.
11:10, 15/03/2002
Пракуратура Кастрычніцкага раёну Менску завяршыла папярэдняе расьследаваньне крымінальнай справы, распачатай супраць дырэктара ЗАТ “Стадыён “Трактар” Васіля Алейнікава, што цягнецца чатыры месяцы. Дзеяньні дырэктара, як і адразу пасьля затрыманьня, кваліфікуюцца па арт.430 ч.2 КК РБ (“Атрыманьне хабару ў буйным памеры”). Матэрыялы расьсьледаваньня, як паведамляе “БДГ”, прадстаўленыя для азнаямленьня абвінавачанаму і пасьля гэтага будуць перададзеныя на разгляд у суд.
11:09, 15/03/2002, Росбалт
У пачатку сакавіка ў дзелавым жыцьці Менску чакалася важная падзея – павінен быў уступіць у пасьлякапітальную рэканструкцыю галоўны піваварны завод Беларусі “Крыніца”. На жаль, сьвяточнае мерапрыемства адкладзенае. Пры гэтым невядома, да якога часу...
11:08, 15/03/2002
У сераду, 13 сакавіка, спыніўся Менскі падшыпнікавы завод. Прычынай спыненьня стала запазычанасьць прадпрыемства за энэрганосьбіты, што складае прыкладна 2 мільярды рублёў. Паводле словаў старшыні прафкаму заводу Ўладзімера Лазоўскага, зараз кіраўніцтва прадпрыемства актыўна шукае грошы на пагашэньне запазычанасьці.
11:07, 15/03/2002, Lenta.ru
Павал Барадзін ня будзе абскарджваць пастанову аб спыненьні справы, распачатай супраць яго жэнеўскай пракуратурай. Пры гэтым Барадзін адмаўляецца плаціць штраф, які наклаў на яго пракурор кантону Бэрнар Бэртоса.
11:06, 15/03/2002, Анатолий Лебедько, председатель Объединенной гражданской партии
Александр, признаюсь, Вы добились своего. Я обратил на Вас внимание и даже потратил время на прочтение Ваших статей «Лебедьковская песня» и «Баба Яня против ОГП», опубликованных в БДГ. К сожалению, в будущем я не смогу уделять Вам больше внимания. Не обессудьте, но есть дела поважнее. Если честно, то Вы производите впечатление то ли банного листа, прилипшего к пятой точке, то ли сексуально озабоченного юноши. Тянет Вас, Александр, ко мне. И дышите вы неровно. С придыханием. Еще со времен Верховного Совета 12 созыва. И как-то превратно истолковываете мое молчание. Оно не есть знак согласия. Ни с тем, как Вы пишете, ни с тем, что Вы делаете. Если это Вас не напрягает, то я позволю предложить Вам несколько бесплатных советов.
11:05, 15/03/2002
Сябра й калега Зьмітра Завадзкага Павал Шарамет працягвае настойваць на датычнасьці генэральнага пракурора Беларусі Віктара Шэймана да зьнікненьня апэратара ГРТ Зьмітра Завадзкага. Шарамет таксама лічыць, што на працэсе па справе аб зьнікненьні журналіста наўмысна абыйшлі ўвагаю роль спэцслужбаў у зьнікненьні Завдазкага. Журналіст таксама заявіў, што паводле ягоных дадзеных, у расейскіх праваахоўных органах ёсьць матэрыялы, якія могуць дапамагчы ў расьследаваньні здарэньня з Завадзкім, але гэтыя матэрыялы трымаюцца ў сакрэце. Акрамя таго, Шарамет лічыць, што Зьмітра Завадзкага ўжо няма жывым.
11:04, 15/03/2002
Сваякі апэратара ГРТ Зьмітра Завадзкага, які зьнік 7 ліпеня 2000 года ў Менску, настойваюць на працягу сьледзтва па справе аб ягоным зьнікненьні. Справа ў тым, што Менскі абласны суд, які 14 сакавіка асудзіў чатырох чалавек за розныя злачынствы, у тым ліку за выкраданьне Завадзкага, так і не прасьвятліў ягоны лёс. Акрамя таго, блізкія зьніклага апэратара лічаць неабходнага знайсьці заказчыкаў злачынства.
11:03, 15/03/2002
Скончыўся судовы фарс у Шклове. Нягледзячы на мноства працэсуальных парушэньняў, невыразную пазыцыю абвінавачваньня й супярэчлівыя, заблытаныя словы сьведак, пракурор Ірына Алданава палічыла віну актывістаў ЗУБРа даказанай. Дзяржаўная абвінаваўца запатрабавала асудзіць усіх пяцёх абвінавачаных да штрафу ў памеры 200 мінімальных заробкаў. Судзьдзя Шклоўскага раённага суда Халадцова пагадзілася, што словы “прыбярэм псіха” адносіліся ні да каго іншага, як да Аляксандра Лукашэнкі.
11:02, 15/03/2002
Прадстаўнікі апазыцыі ня вераць у аб’ектыўнасьць расьсьледаваньня й прысуду суда па справе “групы Ігнатовіча”. “Палітычная афарбоўка гэтай справы была відавочнай з самага пачатку. Ігнатовіч й ягоная група сталі “скрайнімі”, на якіх спрабуюць сьпісаць усе злачынствы. Справа Завадзкага адкладаецца да разгляду па сутнасьці”, -- лічыць лідэр Аб’яднанай грамадзянскай партыі Анатоль Лябедзька. На ягоную думку, у Беларусі не існуе незалежнай судовай улады.
11:01, 15/03/2002
Пецярбургская піваварная кампанія “Балтыка” атрымала ад беларускага ўраду праект інвэстыцыйнага пагадненьня па піўзаводу “Крыніца”. Падрабязнасьці прапановы не разгалошваюцца, аднак віцэ-прэзыдэнт “Балтыкі” Адам Тлехурай у інтэрвію газэце “Ведомости” ужо заявіў, што ўмовы беларускага ўраду падаюцца яму нявыгаднымі.
| |
|
, iнформэр
