Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Дзень Волі пройдзе ў Менску 24 сакавіка а 12.00 у парку імя Янкі Купалы 11:25, 15/03/2002
У сакавіку ў Беларусі традыцыйна сьвяткуецца Дзень Волі – гадавіна зь дня ўтварэньня ў 1918 годзе Беларускай Народнай Рэспублікі. У часы дыктатуры Лукашэнкі Дзень Волі стаў днём абароны сувэрэнітэту Беларусі ад так званага “саюзу” з Расеяй. Акцыі пратэсту ў Дзень Волі заўсёды суправаджаліся ў Беларусі масавымі рэпрэсіямі: на людзей, што выйшлі ў гэты дзень на вуліцы Менску кідаліся супрацоўнікі АМАПу, удзельнікі акцыяў падвяргаліся судам і арыштам. Так у 2000 годзе падчас сьвяткаваньня Дня Волі былі затрыманыя больш за 100 чалавек, сярод якіх было каля 30 журналістаў. У 2001 годзе 25 сакавіка супраць дэманстрантаў былі кінутыя ня толькі сілы АМАПу й міліцыі, але і ўнутраныя войскі. Апэрацыяй “захопу” камандаваў асабіста міністар унутраных справаў Беларусі Ўладзімер Навумаў.
Сёлета Дзень Волі пройдзе ў Менску 24 сакавіка а 12.00 у парку імя Янкі Купалы. Пасьля ўскладаньня кветак да помніка беларускаму клясыку, у парку адбудзецца сьвяточны канцэрт з выступам рок і фолк групаў.
, iнформэр
