Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Юры Зайцаў, бацька актывіста руху ЗУБР Андрэй Зайцава, што скончыў жыцьцё самагубствам 20 сьнежня 2001 году пад уціскам спэцслужбаў, падаў пісьмовую скаргу старшыні Гомельскага абласнога суда.
Канстытуцыйны суд Беларусі 20 сакавіка прызнаў адпавядальным Асноўнаму закону краіны пастанову ўраду, якая забараняе безнаяўнае пералічэньне членскіх прафсаюзных унёскаў. Суд вырашыў, што “асабістая ўплата ўнёскаў не супярэчыць Канстытуцыі”, а вызначаны ўрадам парадак зьмяншае залежнасьць прафсаюзных арганізацыяў ад працаўладкавальнікаў. Аднак асабістая ўплата ўнёскаў ня выключае правы працоўных даручыць банку безнаяўнае пералічэньне грошай.
Аб акцыянаваньні “Азоту”, “Хімвалакна”, Белнафтазіму”, “Белшыны” НПЗ “Нафтан” і “Паліміру” урад Беларусі аб’явіў яшчэ ў канцы мінулага году. Па зацьверджаным урадам графіку ацэнку плянавалася завяршыць 18 сакавіка. Аднак у працэсе падрыхтоўкі працэдуры акцыянаваньня ўзьніклі праблемы, якія пагражаюць сарваць заплянаваныя тэрміны правядзеньня прыватызацыі.
Інфляцыя ў Беларусі склала ў лютым 2002 году 3,6% супраць 6,1% у студзені. Пра гэта паведаміла Міністэрства статыстыкі і аналізу Беларусі. Кошты на платныя паслугі павялічыліся 12,7%, на харчовыя тавары - на 2,6%, на нехарчовыя - на 1,6%. Індэкс коштаў вытворцаў на прамысловую прадукцыю склаў 103,3%, у тым ліку на сродкі вытворчасьці - 103,3%, на прамежкавыя тавары - 104,2%, на спажывецкія тавары - 101,9%.
Лідэры беларускіх моладзевых арганізацыяў – рух супраціву ЗУБР Цімафей Дранчук, Маладога Фронту Павал Севярынец і Аляксей Шэін, Маладой Грамады Тацяна Алесіна – зьвярнуліся напярэдадні вясновых акцыяў пратэсту - Дня Волі (24 сакавіка), Маршу Пратэсту “ТАК ЖЫЦЬ НЕЛЬГА!”(19 красавіка) й Чарнобыльскага Шляху (26 красавіка) – да беларускай моладзі з заклікам прыняць у іх актыўны ўдзел. Зьмяшчаем тэкст звароту цалкам.
Аб неабходнасьці размарозіць рашэньне Эўразьвязу ад 1997 году і адмовіцца ад паслуг місіі АБСЭ ў Беларусі заявіла дэпутат “палаты прадстаўнікоў” Вольга Абрамава на міжнароднай канфэрэнцыі “Замежнапалітычныя адказы на новыя рэаліі ў Эўропе”, якая прайшла днямі ў Бэрліне. На думку Абрамавай, дзейнасьць КНГ АБСЭ пасьля прэзыдэнцкіх выбараў надзвычай складаная. Паводле ейных словаў, стратэгія далучэньня Беларусі да эўрапейскіх працэсаў павінна зьмяніць схему. Захад не павінен патрабаваць ад Беларусі неадкладнага выкананьня чатырох умоваў, ён павінен адмовіцца ад сваёй пакрокавай стратэгіі, і зрабіць сам некалькі крокаў насустрач.
Аляксандра Каляду і Аляксандра Паўловіча, вядомых па шклоўскай крымінальнай справе за абразу Аляксандра Лукашэнкі, адлічылі з Магілёўскага політэхнічнага тэхнікуму. Актывісты руху супраціву ЗУБР падчас перадвыбарчай кампаніі зайшлі ў краму Шклову ў вусатых масках, што нагадвалі Лукашэнку і пачалі абяцаць землякам беларускага лідэра “навесьці парадак” й павялічыць заробак. У выніку, суд пакараў іх за гэта буйнымі штрафамі. Хлопцы паведамілі Радыё Свабода, што дырэктар тэхнікуму й раней пагражаў ім адлічэньнем за ўдзел у выбарчай кампаніі.
Тры актывісты руху ЗУБР былі затрыманыя ўчора ў Менску супрацоўнікамі праваахоўчых органаў за распаўсюд налепак зь лягатыпам руху. Аляксандра Анджыеўская, Цімафей Дранчук й Аляксандар Атрошчанкаў былі затрыманыя позна вечарам ў цэнтры сталіцы й дастаўленыя ў апорны пункт аховы парадку.
Кіраўнік райвыканкаму Ўладзімер Ткачоў быў затрыманы ўчора ў Дзяржынску. Ткачова затрымлівалі як самага небясьпечнага злачынцу. Прыкладна а 7 раніцы да ягонага дому пад’ехала група захопу спэцпадразьдзелу “Алмаз”. Узброеныя людзі ў масках узламілі дзьверы, уварваліся ў дом і апранулі кайданкі на дзяржынскага “вертыкальшчыка”. Ён падазраваецца ў злоўжываньні службовым становішчам.
Распачатая крымінальная справа супраць начальніка магілёўскай мытні паводле арыткула “за злоўжываньне ўладай ці службовым становішчам”. У сьнежні мінулага году кіраўнік структурнага падразьдзелу магілёўскай мытні пры афармленьні мытнай дэклярацыі нібыта скраў больш за 11 мільёнаў рублёў.
Аляксандар Лукашэнка падпісаў указ, які надае Ўпраўленьню справамі прэзыдэнта права прымаць пастановы й іншыя нарматыўныя прававыя акты. Як паведамляе прэсавая служба Лукашэнкі, гэтым правам валодаюць усе рэспубліканскія органы дзяржаўнага ўпраўленьня, да ліку якіх адносіцца і ўпраўленьне справамі. Наданьне Ўпраўленьню справамі Лукашэнкі нарматворчай функцыяй дазволіць яму, у першую чаргу, ажыцьцяўляць свае паўнамоцтвы ў галіне арганізацыі ўліку, захоўваньня, ацэнкі й рэалізацыі вернутай у дзяржавы маёмасьці.
Учора стала вядома, што піцерская піваваранная кампанія “Балтика” можа адмовіцца ад інвэстыцыйнага паректу ў Беларусі – набыцьця піўзаводу “Крыніца”. Прычына – зьмена Беларусяй умоваў продажу заводу.
Учора Аляксандар Лукашэнка прызначыў новага дырэктара Менскага трактарнага заводу. Ім стаў Аляксандар Пухавы, які да прызначэньня працаваў дырэктарам буйнога заводу “Гідраўзмацняльнік” у Барысаве (Менская вобласьць). Нагадаем, што былы дырэктар МТЗ Міхаіл Лявонаў вось ужо трэці месяц знаходзіцца ў сьледчым ізалятары па абвінавачваньні ў злоўжываньні службовым становішчам і нядбайнасьці.
, iнформэр
