Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Канстытуцыйны суд парушае Канстытуцыю 11:12, 21/03/2002
Канстытуцыйны суд Беларусі 20 сакавіка прызнаў адпавядальным Асноўнаму закону краіны пастанову ўраду, якая забараняе безнаяўнае пералічэньне членскіх прафсаюзных унёскаў. Суд вырашыў, што “асабістая ўплата ўнёскаў не супярэчыць Канстытуцыі”, а вызначаны ўрадам парадак зьмяншае залежнасьць прафсаюзных арганізацыяў ад працаўладкавальнікаў. Аднак асабістая ўплата ўнёскаў ня выключае правы працоўных даручыць банку безнаяўнае пералічэньне грошай.
Федэрацыя прафсаюзаў негатыўна паставілася да вэрдыкту Канстытуцыйнага суда Беларусі. Як заявіў памочнік старшыні ФПБ Станіслаў Каласоўскі, суд ня ўбачыў у пастанове Савету міністраў неадпаведнасьці Асноўнаму закону й палічыў яе абавязковай для выкарыстаньня ўсімі службовымі асобамі. Прафсаюзы настойваюць на тым, што адміністрацыі прадпрыемстваў і спынілі пералічэньне ўнёскаў на рахункі прафарганізацыяў, парушаюць нормы заключаных калектыўных дамоваў, а таксама канстытуцыйныя правы грамадзянаў краіны.
, iнформэр
