Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пэнсіянэры Беларусі сутыкнуліся з фінансавымі цяжкасьцямі, якія выклікала парушэньне ўсталяваных дат пэнсійных выплат. Затрымкі ў 1-7 дзён адбываюцца ва ўсіх рэгіёнах краіны, за выключэньнем Менску. Найбольш востра праблемы, зьвязаныя з парушэньнем каляндарных тэрмінаў, стаяць у Магілёўскай і Віцебскай абласьцях.
Як паведамляе ІА “Росбалт”, на дадзены момант органы сацыяльнага забесьпячэньня імкнуццца папярэдзіць паніку сярод 2,5 млн. беларускіх пэнсіянэраў. Улады краіны разглядаюць гэтую зьяву як пагрозу палітычнай стабільнасьці. Бо менавіта сталае насельніцтва, як паказалі апошнія прэзыдэнцкія выбары, зьяўляюцца галоўнай палітычнай апорай Аляксандра Лукашэнкі.
На думку аналітыкаў, цяперашнія пэнсійныя цяжкасьці зьявіліся сьледзтвам пагаршэньня эканамічнага становішча. У апошнія месяцы беларускія прадпрыемствы рэзка зьнізілі адлічэньні ў Фонд сацыяльнай абароны насельніцтва. Пацьвярджаюць гэта і афіцыйныя асобы. Паводле словаў кіраўніка пэнсійнага ўпраўленьня Міністэрства працы й сацыяльнай абароны Н.Шалоўскай, на 1 сакавіка 2002 году запасы фонду складалі 14,9% неабходнай месячнай сумы ў 206 млрд. беларускіх рублёў.
, iнформэр
