Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Горадні ў Дзень Волі затрыманыя 22 чалавекі 11:02, 25/03/2002
Акцыі ў гонар 84-гадавіны абвяшчэньня Беларускай Народнай Рэспублікі прайшлі 24 сакавіка, акрамя Менску, і ў некаторых іншых гарадох краіны. Адно з такіх мерапрыемстваў, што скончылася затрыманьнем 22 чалавек, адбылося ў Горадні. Паводле дадзеных прэсавай службы Партыі БНФ, тут у несанкцыянаваным мітынгу прынялі ўдзел каля 500 чалавек. Затрыманыя 22 чалавекі, у тым ліку намесьнік старшыні Партыі БНФ Юры Хадыка, лідэры гарадзенскай гарадзкой партыйнай арганізацыі Сяргей Мальчык і гарадзенскага аддзяленьня незарэгістраванай арганізацыі “Малады Фронт” Вадзім Саранчукоў, пры гэтым, як паведамляецца, апошні пры затрыманьні быў зьбіты. Затрыманы таксама былы галава Сялянскай партыі Яўген Лугін.
Усе затрыманыя дастаўленыя ў аддзел унутраных справаў Ленінскага раёну Горадні. Паволе дадзеных прэсавай службы Партыі БНФ, затырманыя таксама два журналісты – карэспандэнт газэт “Глос над Немном” і “Трыбуны” (што выдаецца ў Польшчы) Андрэй Пачабут, а таксама супрацоўніца закрытай рашэньнем суда газэты “Пагоня” Алеся Сідаровіч. Журналістаў у хуткім часе адпусьцілі. У гэты ж дзень быў адпушчаны намесьнік старшыні партыі БНФ Юры Хадыка.
, iнформэр
