Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У тэатрах адключаюць электрычнасьць 11:06, 25/03/2002
Нацыянальны акадэмічны тэатар імя Якуба Коласа атрымаў папярэджаньне, што ў выпадку няўплаты запазычанасьці за сьвятло й цеплавую энэргію гэты храм Мельпамэны будзе адключаны ад энэргазабесьпячэньня. Пазыка тэатра складае каля 7 мільёнаў рублёў. І пагасіць яго няма чым, паведамляе “БДГ”.
Паводле словаў дырэктара Коласаўскага тэатра Рыгора Шацькі, сёлета Міністэрства культуры (тэатар фінансуецца з рэспубліканскага бюджэту) выдаткоўвае грошы толькі на заробак калектыву і ні капейкі не заплаціла па камунальных плацежах. На ўсе лісты з просьбамі аб пагашэньні пазыкі дырэкцыя атрымоўвае адзін адказ: грошай няма.
Няма ў міністэрстве й сродкаў на новыя пастаноўкі, так што зараз рэжысэры вымушаныя паменшыць свае пазыкі хаця б часткова, каб “Віцебскэнэрганагляд” насамрэч ня “вырубіў” сьвятло. У калектыва, праўда, ёсьць магчымасьць, на прыкладзе абласной бібліятэкі, перайсьці на сьветлавы дзень працы ці іграць спэктаклі пры сьвечках.
