У Менску судзяць удзельнікаў мірнай акцыі ў Дзень Волі :: Хартыя'97 :: Навiны

Справы арыштаваных у Дзень Волі ўдзельнікаў акцыі пратэсту разглядаліся сёньня ў Цэнтральным судзе Менску. На момант падачы матэрыялу, да 10 сутак арышту асуджаны толькі адзін затрыманы – 22-гадовы Віктар Дашкевіч. Чатыры чалавекі пакараныя штрафамі ў памеры 20 мінімальных заробкаў (200 даляраў ЗША). Некалькім затрыманым былі вынесеныя папярэджаньні, суды над многімі ўдзельнікамі акцыі перенесеныя на больш позьні тэрмін з прычыны заявы хадайніцтваў аб прадастаўленьні абароны. Выйшаў на свабоду й каардынатар Хартыі’97 Зьміцер Бандарэнка. Суд над ім пройдзе 2 красавіка.

Прапануем Вам сьпіс вядомых на дадзены момант прозьвішчаў і вынесеных ім прысудаў за ўдзел у сьвяткаваньні Дня Волі. Паводле неафіцыйнай інфармацыі, 24 сакавіка падчас разгону мірнай дэманстрацыі ў Менску былі затрыманыя 59 чалавек.

Віктар Дашкевіч – 10 сутак арышту

Таруліс Зьміцер – штраф ( 20 МЗП)

Смольскі Аляксей – штраф (20 МЗП)

Герасімаў Валеры – штраф (20 МЗП)

Трыфанаў Сяргей – папярэджаньне

Шэвяленка Аляксандар – папярэджаньне

Садоўскі Леанід – штраф (20 МЗП)

Папкоў Кірыл – суд перанесены на 28 сакавіка

Бандарэнка Зьміцер – суд перенесены на 2 красавіка

Пальчэўскі Юры – суд перанесены на 28 сакавіка

Ляховіч Андрэй – папярэджаньне

Зайкоўскі Эдуард – суд перанесены на 29 сакавіка