Расейская Дзярждума адмовілася прыняць дэлегацыю адмысловай працоўнай групы па Беларусі Парляманцкай Асамблеі АБСЭ на чале з Утай Цапф. Дэлегацыя адмысловай працоўнай групы па Беларусі Парляманцкай Асамблеі АБСЭ, як паведамляе Радыё Рацыя, ў поўным складзе мелася пабываць у Маскве 2 - 3-га красавіка. Адпаведная просьба пра арганізацыю візыту была накіраваная ў сакратарыят Дзярждумы.

---

Планируется, что 30 – 31 марта 2002 года Министр иностранных дел Плянуецца, што 30-31 сакавіка 2002 году Міністар замежных справаў Рэспублікі Беларусь Міхаіл Хвастоў па запрашэньні Міністра замежных справаў Ірану Камаля Харазі наведае з афіцыйным візытам Іслямскую рэспубліку Іран. Падчас візыту Міхаіла Хвастова, як плянуецца, будзе прымаць прэзыдэнт Ірану Махамад Хатамі. Міхаіл Хвастоў перадасьць яму асабісты ліст Аляксандра Лукашэнкі.

---

Пра сваё адкрыцьцё й пачатак вяшчаньня ў Рэспубліцы Беларусь заявіў тэлевізійны канал “ОНТ” (Агульнанацыянальная тэлевізія). Тэлеканал “ОНТ” стане правапераемнікам расейскага каналу “ОРТ”. Як заявілі прадстаўнікі ягонае каманды, канал “ОНТ” ствараецца не замест “ОРТ”. А разам з гэтым каналам, паведамляе АФН.

---

Працоўны калектыў філіі Аршанскага Ільнокамбінату “Фабрыка Днепр”, даведзены да адчаю намерам адміністрацыі галаўнога прадпрыемства закрыць іх фабрыку праз яе стратнасьць і нерэнтабельнасьць і зьвярнулася з адкрытым лістом да Аляксандра Лукашэнкі. Падаем тэкст ліста цалкам.

---

У Беларусі да 1 сакавіка на ўліку службаў працаўладкаваньня стаяць 112.8 тысяч чалавек, што складае прыкладна 2% ад усяго працаздольнага насельніцтва краіны. Такія дадзеныя прыводзіць Дэпартамэнт па працаўладкаваньні Міністэрства працы й сацыяльнай абароны рэспублікі. Толькі за першыя два месяцы 2002 году колькасьць беспрацоўных павялічылася на 10 тысяч. Як сьцьвярджаюць у міністэрстве, прычыны росту беспрацоўя зьвязаныя ў першую чаргу са скарачэньнямі, якія апошнім часам пачалі праводзіцца ў працоўных калектывах установаў, прадпрыемстваў, арганізацыяў.

---

Пэрспэктывы разьвіцьця абслугоўваньня насельніцтва й юрыдычных асобаў сталі галоўным пытаньнем павесткі дня сэсіі Гомельскага абласнога Савету дэпутатаў, якая адбылася 28 сакавіка. У працы сэсіі прыняў удзел міністар транспарту й камунікацыяў Міхаіл Баравы, паведамляе БелаПАН. Як адзначалася, транспартныя прадпрыемствы Гомельскай вобласьці знаходзяцца ў складаным фінансавым становішчы перш за ўсё з-за стратнасьці паслуг па перавозцы пасажыраў і грузаў.

---

Суд Цэнтральнага раёну Менску асудзіў актывіста Беларускага народнага Фронту Вячаслава Сіўчыка да 15 сутак арышту за ўдзел у мірнай дэманстрацыі ў Дзень Волі. Судзьдзя Натальля Вайцэховіч разглядала справу Сіўчыка чатыры гадзіны. Свой прысуд палітык пракамэнтаваў Радыё Свабода ў судовай залі: “Пасьля таго, як да ўлады прыйшоў Лукашэнка, не было ніводнага спакойнага, нармальнага, годнага сьвяткаваньня Дня Беларускай Народнай Рэспублікі. Таму, калі я ішоў на суд, я быў гатовы да любога прысуду. Я разьлічваў, што будзе 10 сутак, хаця падкрэсьліваю, што маю віну на судовым паседжаньні ня вызначылі, тым больш не даказалі. Напэўна, пакуль Лукашэнка будзе ля ўлады, такі ідыятызм будзе працягвацца”.

---

так былы кіраўнік Віцебскага абласнога УУС і камісіі Вярхоўнага Савету Беларусі ХІІІ скліканьня па нацыянальнай бясьпецы й барацьбе з карупцыяй генэрал-лейтынант у адстаўцы Мечаслаў Грыб пракамэнтаваў судовыя працэсы над супрацоўнікамі міліцыі, што праходзяць апошнімі днямі ў Менску.

---

Ужо трое сутак па невядомых прычынах заблякаваны інтэрнэт-сайт беларускага праваабарончага цэнтру “Вясна” (www.spring96.org). Як паведаміла БелаПАН супрацоўнік інфармацыйнага аддзелу гэтай правабарончай арганізацыі Паліна Сьцепаненка, парушэньню працы папярэднічала разьмяшчэньне на сайце тэксту выступу адваката Сяргея Цурко на судзе па справе былога афіцэра спэцпадразьдзелу МУС “Алмаз” Валеры Ігнатовіча й іншых асобаў, абвінавачаных у выкраданьні апэратара ГРТ Зьмітра Завадзкага.

---

Актывісты прафсаюзу радыёэлектроннай прамысловасьці й шэрагу іншых прафаб’яднаньняў правялі на сталічнай плошчы Бангалор пікет пратэсту супраць аб’яднаньня працоўных і ўціску правоў прафсаюзаў. У акцыі прымала ўдзел каля 250 чалавек. Акцыя праходзіла пад сацыяльнымі лёзунгамі – “Не – пазыкам па заробках!”, “Забясьпечым нармальныя ўмовы жыцьця!”, “У адзінстве нашая сіла!”

---

Літоўскі ўрад зацьвердзіў сьпіс з 17 краін зь нярынкавай эканомікай, да якіх будзе прымяняцца адмысловы рэжым у замежным гандлі. У адпаведнасьці з рэглямэнтам Рады Эўропы, учора ўрад Літвы занёс у гэты сьпіс Албанію, Армэнію, Азэрбайджан, Беларусь, Грузію, Казахстан, Кіргізію, Кітай, Паўночную Карэю, Малдову, Расею, Таджыкістан, Туркмэністан, Украіну, Узбэкістан і Вьетнам.

---

Калі ў 2001 годзе працэдура банкруцтва была распачатая адносна прыкладна 700 прадпрыемстваў розных формаў уласнасьці, то сёлета, як мяркуе намесьнік дэпартамэнту, у вытворчасьць трапяць справы каля 1,5 тысяч прадпрыемстваў. Пра гэта паведаміла намесьнік дырэктара дэпартамэнту па санацыі й банкруцтву пры Міністэрстве эканомікі Наталля Мыцкіх 27 сакавіка ў Гомлі на канфэрэнцыі “Дзелавы клімат Беларусі й шляхі ягонага паляпшэньня”, арганізаванай Беларускім саюзам прадпрымальнікаў і наймальнікаў.

---