Каналу “БТ-2” ня будзе :: Хартыя'97 :: Навiны

Пра сваё адкрыцьцё й пачатак вяшчаньня ў Рэспубліцы Беларусь заявіў тэлевізійны канал “ОНТ” (Агульнанацыянальная тэлевізія). Тэлеканал “ОНТ” стане правапераемнікам расейскага каналу “ОРТ”. Як заявілі прадстаўнікі ягонае каманды, канал “ОНТ” ствараецца не замест “ОРТ”. А разам з гэтым каналам, паведамляе АФН.

У аснову стратэгіі разьвіцьця праекту будуць пакладзеныя прынцыпы прызнанай у сьвеце тэхналёгіі працы геаграфічнага сотовага вяшчаньня. На новым канале будуць рэтлянсьлявацца ня толькі праграмы ОРТ, але і два дадатковых бонуса: больш зручны час для трасьляцыі праграм і дадатковыя беларускія навіны. Акрамя таго, служба інфармацыянага вяшчаньня новага каналу мае намер прадухіліць “дэфіцыт апэратыўнай інфармацыі аб Рэспубліцы Беларусь на гэтай частаце”.

Новы канал зьяўляецца камэрцыйным праектам, на ўтрыманьні якога не плянуецца выдаткаваць бюджэтныя сродкі. Асноўнай крыніцай даходу новага каналу павінны стаць паступленьні ад рэклямнай дзейнасьці й рэалізацыі ўласных праграмных прадуктаў.

Рашэньне Менгарвыканкаму аб рэгістрацыі ЗАТ “Другі нацыянальны тэлеканал” было прынятым 19 сакавіка 2002 году. У адпаведнасьці зь ім, 51% акцыяў прадпрыемства знаходзіцца пад кіраваньнем дзяржавы, 29% -- належаць “Беларусбанку” і 20% -- тэлекампаніі “ФИТ”.