Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Першы блёк Ровенскай АЭС аварыйна адключаны ад сеткі 11:01, 04/04/2002
Першы энэргаблёк Ровенскай АЭС у сераду аварыйна адключаны ад сеткі, паведамілі агенцтву “Интерфакс-Украина” у нацыянальнай кампаніі “Энергоатом”. Блёк, на якім у сераду павінен быў пачацца плянавы рамонт, адключаны а 15.20 у выніку пашкоджаньня аднаго з асноўных аўтаматычных рэгулятараў блёку (рэгулятара ўзроўню вады ў парагенэратары). Рамонт блёку працягнецца да 7 чэрвеня.
Акрамя таго, яшчэ на дзьвюх атамных энэргаблёках у сераду пазаплянава зьменшылася выпрацоўка электраэнэргіі.
У прыватнасьці, магутнасьць 3-га блёку Ровенскай АЭС зьніжаная на 25% праз ўцечку вадароду з сыстэмы ахалоджваньня генэратара. Для ліквідацыі ўцечкі ноччу плянуецца спыніць энэргаблёк. Месца дэфекту ўжо знойдзена, рамонт блёку плянуецца правесьці да 8 красавіка.
На 10% зьнізілася магутнасьць 3-га блёку Запарожскай АЭС з-за збою ва ўпраўленьні адным з элемэнтаў сыстэмы ўпраўленьня рэактара. Аднак магутнасьць станцыі цалкам ня зьменшылася, бо была павялічаная магутнасьць 5-га блёку.
, iнформэр
