На мінулым тыдні улада нечакана ўзялася выконваць сваё прадвыбрчае абяцаньне першай выбарчай кампаніі Лукашэнкі. 2 красавіка ўсе афіцыйныя СМІ паведамілі аб тым, што ў краіне падрыхтаваная дзяржпраграма па ўзмацненьні барацьбы з карупцыяй і хабарніцтвам. А каб не зьявілася ўражаньне , што дакумэнт падпісаны раней часу, агучаныя першыя факты злоўжываньняў на месцы.

---

За апошнія два тыдні зь беларускай тэлевізіі было звольнена больш за дзьвесьце чалавек. Такое нематываванае па сутнасьці скарачэньне выклікае абурэньне й неразуменне творчых работнікаў. “БДГ” публікуе адкрыты ліст журналіста Сьвятланы Зямцовай да Аляксандра Лукашэнкі, у якім кіраўнік Дырэкцыі пэрспэктыўнага вяшчаньня спрабаваў патлумачыць сытуацыю.

---

Аляксандар Лукашэнка 8 красавіка сустрэўся з прэзыдэнтам “ИТЕРЫ”, старшынём рады дарэктараў ААТ “ИТЕРА Холдинг” Ігарам Макаравым і прэзыдэнтам “ЛУКойла” Вагітам Алякперавым. Бакі абмеркавалі пытаньні, датычныя магчымага ўдзелу кампаніі ў акцыянаваньні прадпрыемстваў рэспублікі. Сустрэча з кіраўніцтвам “ИТЕРЫ” і “ЛУКойла” адкрыла сэрыю перамоваў з расейскімі й замежнымі інвэстарамі, якія беларускі лідэр плянуе правесьці на наступным тыдні. Паводле словаў Лукашэнкі, ягонае рашэньне асабіста сустрэцца з патэнцыйнымі партнёрамі выклікана жаданьнем дэтальна й прынцыпова абумовіць асноўныя ўмовы акцыянаваньня.

---

У Менску пачала працу сумесная місія МВФ і Сусьветнага банку, мэта якой – падрыхтаваць агляд дзяржаўных выдаткаў. Плянуецца, што місія будзе працаваць у Беларусі да 19 красавіка, аднак нельга выключаць, што ейнае знаходжаньне ў нашай краіне некалькі зацягнецца.

---

Беларусь стала лідэрам сярод краін былога СССР па тэмпах росту афіцыйнага курсу даляра ЗША да нацыянальнай валюты сёлета ў першым кварталі. Такія вынік праведзенага БелаПАН параўнаньня курсаў валют на канец сьнежня 2001 году і на канец сакавіка 2002 году.

---

Агульная сума пазык за электрычную й цеплавую энэргію, прыродны газ па стане на сярэдзіну сакавіка склала больш за 11 мільярдаў рублёў. Аплочана толькі 61,3 адсоткі ад запатрабаванай сумы. Больш за ўсё – 6962 млн.руб. — прадпрыемствы запазычылі за цеплавую энэргію, за электрычную – 3224 млн.руб, за прыродны газ – 1393 мл.руб. Як паведамляе “Вечерний Брест”, кіраўнікам прашрафаваных прадпрыемстваў у выпадку неаплаты ўсіх 100 адсоткаў сумы за спажытую энэргію пагражае пазбаўленьне прэміі на 50%. Такое самае пакараньне чакае і намесьнікаў кіраўнікоў раённых адміністрацыяў, якія курыруюць пытаньні платы за энэрганосьбіты.

---

Зношанасьць актыўнай часткі асноўнага капіталу беларускіх прадпрыемстваў пераўзыходзіць 80%, паведаміў журналістам начальнік упраўленьня фінансавай палітыкі Міністэрства эканомікі Беларусі Ўладзімер Аносаў.

---

За бліжэйшыя 6 месяцаў 70% малаказаводаў стануць стратнымі. Такі прагноз Міністэрства сельскай гаспадаркі й харчаваньня, пра што паведаміў 5 красавіка на прэсавай канфэрэнцыі ў Менску дырэктар дэпартамэнту харчаваньня Мінсельгасхарчу Васіль Жукаў. Рэнтабельнасьць такіх прадпрыемстваў у сярэднем складзе мінус 5 адсоткаў.

---

Яна стабільна расьце на 2,5%, так што ў параўнаньні зь мінулым годам “белая” каштуе на 12% даражэй. У розьнічным продажы, напрыклад, паўлітровая “вінтавая” бутэлька гарэлкі “Крышталь-100” каштуе 2.260 рублёў (раней - 2.204), "Белая Русь", "Крышталь-люкс" - 2.330 (2.277), "Белая Русь-люкс", "Кристалл-люкс новый" - 2.415 (2.359), паведамляе “БДГ”.

---

Праз недахоп бюджэтных сродкаў прыпынены выхад адзінага ў Беларусі штомесячніка па мастацтву “Мастацтва”. Поўнакаляровы часопіс нясе вялікія выдаткі на друк каляровых рэпрдукцыяў, тым не менш ён на чвэрць самаакупляемы. Зараз супрацоўнікі рэдакцыі на чале з драматургам Аляксеем Дударавым вымушаныя пайсьці на два месяцы ў адпачынак за свой кошт, а выпуск ужо падрыхтаваных нумароў адкласьці на няпэўны тэрмін, паведамляе “Belarus Today”.

---

Ананімныя стваральнікі вэб-сайту www.april19.org зьвярнуліся да карыстальнікаў інтэрнэту. У аб’яве, зьмешчанай на сайце, яны заклікалі ўладальнікаў розных інтэрнэт-рэсурсаў разьмесьціць іх унікальныя відэаролікі на сваіх сайтах. “Гэта дапаможа зьнізіць нагрузку на сайт і палегчыць працэс скачваньня файлаў для ўсіх карыстальнікаў”, - кажуць стваральнікі сайту. У падтрымку гэтай ініцыятывы вэб-сайт Хартыі’97 вырашыў зьмесьціць у разьдзел “Гучныя справы” відэаролік вэб-сайту www.april19.org “Мы памятаем”, прысьвечаны зьніклым у Беларусі вядомым людзям.

---

13 журналістаў былі затрыманыя й асуджаныя 5 красавіка ў Горадні. Затрыманьне адбылося падчас трох пікетаў, якія журналісты (большасьць зь іх зьяўляюцца сябрамі Беларускай асацыяцыі журналістаў) правялі ў знак пратэсту супраць крымінальнага перасьледу сваіх калег – супрацоўнікаў закрытай уладамі газэты “Пагоня” Мікалая Маркевіча й Паўла Мажэйкі.

---

Працэс па крымінальнай справе адносна рэдактара газэты “Пагоні” Міколы Маркевіча й супрацоўніка выданьня Паўла Мажэйкі пачнецца а 11.00 у судзе Ленінскага раёну Горадні. Журналісты абвінавачваюцца ў зьдзяйсьненьні злачынства, прадугледжанага ч.2 артыкула 367 КК Беларусі (“Паклёп на прэзыдэнта Рэспублікі Беларусь”). Мажэйку й Маркевічу, у выпадку абвінаваўчага прысуду, пагражае да 5 гадоў зьняволеньня. Старшыняваць на працэсе будзе судьдзя Мікалай Сяргейка. Чакаецца, што асьвятляць працэс будзе значная колькасьць беларускіх і замежных журналістаў. Да праяўленьня “карпаратыўнай салідарнасьці журналістаў, што будзе садзейнічаць аб’ектыўнаму й непрадузятаму разгляду судом і не дазволіць вынесьці адносна нашых калег неправасуднае рашэньне” заклікала Беларуская асацыяцыя журналістаў.

---

Вулічная акцыя “Ланцуг неабыякавых людзей”, прымеркаваная да трэцяй гадавіны зь дня сьмерці Генадзя Карпенкі, прайшла 7 красавіка на Кастрычніцкай плошчы Менску. Каля пяцідзесяці чалавек з партрэтамі беларускіх палітыкаў, якія бясьсьледна зьніклі ці памерлі пры нявысьветленых абставінах, расьцягнуліся на ўсю даўжыню плошчы як раз насупроць рэзыдэнцыі Лукашэнкі.

---

Былы дырэктар Менскага трактарнага заводу Міхаіл Лявонаў переведзены зь менскага ў жодзінскі сьледчы ізалятар. Як паведамляе Радыё Свабода, сваякі Лявонава кажуць, што ім, а таксама адвакату Няведамскаму нічога не паведамляюць аб прычынах гэтага пераводу. Жонка былога дырэктара МТЗ Алена Лявонава лічыць, што гэта зрабілі, “каб аказаць дадатковы ўціск” на ейнага мужа.

---

4 красавіка ў Беларусі зарэгістраванае сумеснае прадпрыемства "Мабільныя тэлесыстэмы" — другі апэратар мабільнай сувязі стандарту GSM. Пра гэта паведаміў БелаПАН намесьнік міністра сувязі Уладзімер Карповіч.

---

Урад Расеі прыняў рашэньне неадкладна адправіць у адстаўку прэзыдэнта расейска-беларускай нафтавай кампаніі “Славнефть” Міхаіла Гуцырыева. Пра гэта ў мінулую пятніцу паведаміў “Интерфакс” са спасылкай на ананімнага інфарматара ў расейскім урадзе. Для многіх рашэньне стала нечаканым, бо праз некалькі месяцаў на чарговым сходзе акцыянэраў Гуцырыеў мог быць пераабраным у парадку чаргі, перадае “Белорусская газета”.

---

Калі уявіць, што з 1992 г.Беларусь пачала будаваць капіталізм, а не аднаўляць сацыялізм з канцэнтрацыяй на безумоўнай абароне правоў уласнасьці, то ўжо ў 1993 г. быў бы спынены эканамічны спад (як за кошт імклівага росту новых кампаніяў, рэструктурызацыі дзяржпрадпрыемстваў, так і за кошт спыненьня практыкі трасфэртаў рэсурсаў ад адных (уласьнікаў) да іншых (утрыманцаў). На думку “Белорусской газеты”, Беларусь заняла б шмат гандлёвых нішаў, якія былі пасьпяхова разьвітыя польскімі, літоўскімі, расейскімі, украінскімі ці аўстрыйскімі вытворцамі.

---

Уступіла з сілу рашэньне сэсіі Віцебскага абласнога савету дырэктараў павялічыць з 2 да 3 адсоткаў стаўку мясцовага мэтавага збору на ўтрыманьне інфраструктуры. Сродкі, якія мяркуецца атрымаць такім чынам, будуць накіроўвацца на аргнізацыю фестывалю-кірмашу “Дажынкі-2002”, які сёлета пройдзе ў Полацку, паведамляе БелаПАН.

---