Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Вулічная акцыя “Ланцуг неабыякавых людзей”, прымеркаваная да трэцяй гадавіны зь дня сьмерці Генадзя Карпенкі, прайшла 7 красавіка на Кастрычніцкай плошчы Менску. Каля пяцідзесяці чалавек з партрэтамі беларускіх палітыкаў, якія бясьсьледна зьніклі ці памерлі пры нявысьветленых абставінах, расьцягнуліся на ўсю даўжыню плошчы як раз насупроць рэзыдэнцыі Лукашэнкі.
Акрамя партрэтаў Генадзя Карпенкі, Віктара Ганчара, Анатоля Красоўскага, Зьмітра Завадзкага, Юры Захаранкі, удзельнікі акцыі таксама трымалі ў руках здымкі нядаўна асуджанага сына экс-прэм’ера Беларусі Аляксандра Чыгіра і актывіста руху ЗУБР Андрэя Зайцава, які скончыў жыцьцё самагубствам пад уціскам спэцслужбаў.
Арганізатарам чарговай акцыі ў рамках кампаніі “Хочам ведаць праўду!” выступіла Аб’яднная грамадзянская партыя. Мерапрыемства цягнулася з 11 да 12 гадзін і прайшло без умяшальніцтва збоку міліцыі.
За дзень да гэтага, 6 красавіка, у Менску прайшоў VI зьезд Аб’яднанай грамадзянскай партыі. Старшынём АГП зноў абраны Анатоль Лябедзька. Намесьнікамі старшыні сталі: Сяргей Альфэр, Аляксандар Дабравольскі, Яраслаў Раманчук і Васіль Шлындзікаў.
, iнформэр
