9 КРАСАВІКА -- ON-LINE КАНФЭРЭНЦЫЯ З АРГАНІЗАТАРАМІ МАРШУ ПРАТЭСТУ ПРАВАБАРОНЦАМ ЗЬМІТРОМ БАНДАРЭНКАМ І ЖУРНАЛІСТАМ МІКАЛАЕМ ХАЛЕЗІНЫМ :: Хартыя'97 :: Навiны

Напярэдадні Маршу пратэсту “Так жыць нельга!”, які пройдзе ў Менску 19 красавіка, прэсавы цэнтар Хартыі’97 ладзіць на сваім вэб-сайце on-line канфэрэнцыю з арганізатарамі Маршу правабаронцам Зьмітром Бандарэнкам і журналістам Мікалаем Халезіным. Зьміцер Бандарэнка – былы дырэктар закрытага Лукашэнкам у 1996 годзе незалежнага “Радыё 101,2”, каардынатар грамадзянскай ініцыятывы Хартыя’97 з моманту ейнага стварэньня ў 1997 годзе. Мікалай Халезін – журналіст, мастак, працы якога выстаўляліся ў буйнейшых галерэях сьвету, заснавальнік Цэнтра сучаснага мастацтва “Vita Novа”, адзін з аўтараў праекту газэты “Имя” і адзін са стваральнікаў Альтэрнатыўнага тэатра. Зьміцер Бандарэнка й Мікалай Халезін зьяўляюцца арганізатарамі адных з самых пасьпяховых акцыяў беларускай апазыцыі –“Марш свабоды-1”, “Марш свабоды-2”, “Чарнобыльскі-2000” і кампаніяй “Байкот”. Канфэрэнцыя адбудзецца ў аўторак 9 красавіка з 16.00 да 20.00 па менскім часе. Мовы – беларуская, расейская, ангельская.