Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
МЗС і Саюз журналістаў Літвы выступілі ў абарону беларускіх журналістаў 11:05, 11/04/2002
Міністэрства замежных справаў Літвы і Саюз журналістаў Літвы выказалі занепакоенасьць ў сувязі з пачаткам у Беларусі судовых працэсаў над журналістамі. Кіраўнік інфармацыйнага дэпартамэнту МЗС Літвы Петрас Заполскас на тое, што ў Горадні ўлады арыштавалі 13 журналістаў - удзельнікаў пікету ў абарону закрытай уладамі газэты “Пагоня”, заявіў, што “такія рэчы ня могуць не хваляваць”. Паводле ягоных словаў, Літва імкнецца выкарыстоўваць усе інструмэнты міжнародных арганізацыяў для захаваньня ў Беларусі свабоды слова. Саюз журналістаў Літвы быў менш дыпляматычным. Ён заявіў, што суд над калегамі, якія пратэставалі супраць закрыцьця газэты і перасьледу ейных супрацоўнікаў, – гэта імкненьне расправіцца зь незалежнай прэсай у Беларусі, са свабодай слова й правамі чалавека.
У заяве, адрасаванай Аляксандру Лукашэнку, беларускай амбасадзе ў Літве, БАЖу і органам прэзыдэнцкай вертыкалі Гродзеншчыны, Саюз журналістаў Літвы выказвае салідарнасьць зь беларускімі калегамі Беларусі, бо “свабодная думка, свабоднае слова, свабодны друк, зьяўляюцца гарантыяй дэмакратычнага грамадзтва”.
, iнформэр
