Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У жабрацкай краіне знайшліся грошы на дзьве горналыжныя трасы 11:16, 12/04/2002
Уладкаваньне дзьвюх гарналыжных трас у Беларусі павінна завяршыцца да пачатку зімы. Пра гэта паведаміў памочнік прэзыдэнта па пытаньнях фізычнай культуры,спорту й разьвіцьця турызму Мікалай Ананьеў у размове з карэспандэнтам БелаПАН па выніках двухдзённага візыту ў Менск прэзыдэнта Аўстрыйскай лыжнай фэдэрацыі Пэтэра Шрэкснадэля. Са словаў Ананьева, размова йдзе аб трасах у алімпійскім спартовым комплексе “Раўбічы” пад Менскам і ў Лагойскім раёне Менскай вобласьці.
У першым выпадку неабходна дакамплектаваць трасу пад’ёмнікам. У другім “ёсьць у наяўнасьці патрэбная для заняткаў горным спортам мясцовасьць, на якой можна ўладкаваць трасу”.
“Трасы будуць будавацца для навучаньня горналыжнаму спорту шырокіх слаёў насельніцтва, -- паведаміў Ананьеў. – Кіраўнік Аўстрыйскай лыжнай федэрацыі яшчэ і бізнэсовец, уладальнік шэрагу гарналыжных баз у сваёй краіне. Ён разьлічвае, што чалавек, які навучыцца катацца ў Беларусі, абавязкова захоча выпрабаваць сваё майстэрства на больш складаных трасах і паедзе ў Аўстрыю, на ягоныя базы”.
, iнформэр
