Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
“Адмоваю выконваючаму абавязкі кіраўніка КНГ АБСЭ ў Менску сп.Рывалье ва ўязной візе, Беларусь парушыла свае абавязкі і той дух супрацоўніцтва, на якім засноўвываецца АБСЭ. Для наладжваньня стасункаў паміж Беларусяй і АБСЭ неабходнае супрацоўніцтва, а не абструкцыя. У адваротным выпадку Беларусь ставіць пад сумнеў асновы сваіх стасункаў з гэтай арганізацыяй”, -- гаворыцца ў заяве амбасадара ЗША пры Сталай Радзе АБСЭ Стэфана Мінікеса, якую ён зрабіў 11 красавіка ў Вене.
Марш пратэсту “Так жыць нельга” стартуе ў Менску як і было заплянавана– 19 красавіка а 18.00 на плошчы Якуба Коласа. Пра гэта на прэсавай канфрэнцыі ў Менску заявілі арганізатары акцыі.
Прадстаўнікі шэрагу беларускіх недзяржаўных СМІ падпісалі “Зварот у сувязі з пагаршэньнем сытуацыі са свабодай слова ў Рэспубліцы Беларусь”. Сярод падпісантаў звароту – прадстаўнікі грамадзкай арганізацыі “Беларуская асацыяцыя журналістаў” (БАЖ), кіраўнікі й супрацоўнікі недзяржаўных выданьняў; усяго - каля 15 чалавек. Зварот адкрыты для падпісаньня, збор подпісаў праводзіць БАЖ.
З 10 па 17 красавіка ў Празе праходзіць міжнародны фэстываль дакумэнтальных фільмаў Jeden svet (Адзіны сьвет). Упершыню ў журы фэстывалю ўвайшоў прадстаўнік Беларусі – кінарэжысэр Юры Хашчавацкі. Гэты фэстываль зьбірае лепшыя дакумэнтальныя фільмы, прысьвечаныя правам чалавека, прыродным катастрофам, ваенным канфліктам, існаваньню людзей на зямлі.
У канцы сакавіка з санкцыі рэспубліканскае пракуратуры супрацоўнікамі Сьледчага камітэту МУС арыштаваныя дырэктар і галоўны інжынер Бабруйскага шынарамонтнага заводу. Як стала вядома “БДГ”, праваахоўчыя органы нібыта маюць падставы падазраваць кіраўнікоў у нанясеньні заводу шматмільённага ўрону.
Самае таямнічае пагадненьне з чатырох падрыхтаваных да 12 красавіка, падпісаньне якога да апошняга моманту заставалася пад сумневам нават пасьля ўзгадненьня ва ўсіх інстанцыях – “Пагадненьне паміж урадам Рэспублікі Беларусь і ўрадам Расейскай Фэдэрацыі аб пашырэньні супрацоўніцтва ў газавай галіне”. Дакумант замахваецца на сьвятае сьвятых беларускага прэзыдэнта - дзяржуласнасьць у газавай галіне.
Часовы кіраўнік менскай місіі АБСЭ Мішэль Рывалье вымушаны быў пакінуць Беларусь – беларускія ўлады адмовіліся падоўжыць спадару Рывалье ўязную візу. Гэта ўжо другі кіраўнік Кансультатыўна-назіральнае групы АБСЭ, які за апошнія паўгода вымушаны зьехаць зь Беларусі з-за жорсткіх мер беларускага кіраўніцтва, якое патрабуе перагляду мандату місіі і абвінавачвае АБСЭ ва ўмяшальніцтве ва ўнутраныя справы Беларусі. Старшыня АБСЭ Антоніа да Круз выказаў занепакоенасьць ў сувязі з такой сытуацыяй і папярэдзіў беларускія ўлады аб “адпаведнай рэакцыі кіраўніцтва АБСЭ”.
Працягваюцца затрыманьні за распаўсюд агітацыйных матэрыялаў, прысьвечаных Маршу Пратэсту, які пройдзе 19 красавіка ў Менску. Трое актывістаў ЗУБРа былі затрыманыя 13 красавіка ў раёне плошчы Якуба Коласа. На ўсіх трох былі складзеныя пратаколы паводле арт.143 ч.3 Кодэксу аб адміністратыўных парушэньнях. Маладых людзей пратрымалі ў пастарунку паўтары гадзіны, канфіскавалі каля сотні налепак і адпусьцілі.
З 1 траўня гэтага году тарыфы на энэрганосьбіты ў Расеі й Беларусі будуць аднолькавымі. Беларускія тарыфы будуць прыроўненыя да ўнутрырасейскіх. Пра гэта заявіў прэзыдэнт Расеі Ўладзімер Пуцін па сканчэньні паседжаньня вышэйшай дзяржрады “саюзнае дзяржавы” Расеі і Беларусі.
На пачатак красавіка ў Беларусі зарэгістравана 116 тысяч беспрацоўных, што складае 2% працаздольнага насельніцтв краіны. Пра гэта паведаміла рэспубліканскае Міністэрства статыстыкі і аналізу. Паводле дадзеных міністэрства, колькасьць беспрацоўных у рэспубліцы сёлета за І квартал павялічылася амаль на 11% у параўнаньні з аналягічным пэрыядам мінулага году. Больш за ўсё маюць патрэбу ў працаўладкаваньні жыхары Віцебскай і Гомельскай абласьцей, менш за ўсё – Менску.
, iнформэр
