Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
БМЗ падтрымаюць пры дапамозе расейскага крэдыту 11:08, 16/04/2002
Міністэрства фінансаў Беларусі плянуе выдаткаваць Беларускаму металюргічнаму заводу 20 мільёнаў даляраў ЗША для закупу сыравіны й матэрыялаў. Згаданая сума выдаткоўваецца са сродкаў дзяржаўнага крэдыту Расейскай Фэдэрацыі, аб якім было дамоўлена 30 лістапада 2001 году.
У адпаведнасьці з гэтым дакумэнтам Расея ў 2001-2002 гг. выдае Беларусі крэдыт на 70 мільёнаў даляраў ЗША, перадае БелаПАН. Згодна пастанове Савміну, гэтыя 20 млн.даляраў ЗША са сродкаў крэдыту павінны выкарыстоўвацца для закупу прадпрыемствам сыравіны й матэрыялаў па кантрактах, падпісаных заводам з пастаўшчыкамі – рэзыдэнтамі Расейскай Фэдэрацыі. Беларускі металюргічны завод павінен забясьпечыць мэтавае выкарыстаньне згаданай сумы і ейнае вяртаньне ў рэспубліканскі бюджэт у жніўні – лістападзе 2002 году роўнымі долямі з выплатай штомесяцова 12 адсоткаў гадавых.
, iнформэр
