Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
МВФ патрабуе ад беларускіх уладаў ліквідацыі ўсіх пазабюджэтных фондаў 11:14, 16/04/2002
Міжнародны валютны фонд прапануе Беларусі ліквідаваць пазабюджтныя фонды і ўключыць ўсе дзяржаўныя даходы і выдаткі ў бюджэт. Па-ранейшаму існуе меркаваньне, што прэзыдэнцкая адміністрацыя праводзіць значныя апэрацыі, якія цалкам не ўключаныя ў бюджэце. МВФ да гэтага часу не атрымаў ад ураду адказу на прапанову ўключыць у бюджэт фінансавыя апэрыцыі прэзыдэнцкіх структур.
“Нам адказваюць, што існуе фармальны прэзыдэнцкі фонд, які ўключаны ў бюджэт, -- кажа сталы прадстаўнік МВФ у Беларусі й Літве Майкл Хортан.— Але ёсьць і іншыя апэрацыі, якія пакуль у яго ня ўключаныя ў яго. На нашу думку, поўная карціна грашовай сытуацыі ў Беларусі невідавочная і невядомая, пакуль ня ўсе апэрацыі ўключаныя ў бюджэт. Таму існуе думка, што неабходна працаваць далей, каб вызначыць гэтыя апэрацыі й зрабіць іх часткай бюджэту”.
Прадстаўнікі МВФ яшчэ раней рэкамэндавалі, каб усе пазабюджэтныя фонды, якія існуюць у Беларусі, былі ўключаныя ў дзяржаўны бюджэт. Яны лічаць гэта за неабходнае, каб забясьпечыць доступ грамадзкасьці да інфармацыі аб тым, куды ідуць дзяржаўныя грошы, і даць больш канкрэтную карціну эканамічнай сытуацыі ў Беларусі, паведамляе Радыё Свабода.
, iнформэр
