Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
“Палатка” ратыфікавала пагадненьне аб паветраных зносінах з Іракам 11:10, 19/04/2002
Пагадненьне паміж урадам Рэспублікі Беларусь і ўрадам Рэспублікі Ірак аб паветраных зносінах ратыфікавала 17 красавіка так званая “палата прадстаўнікоў” Беларусі. Як паведаміў “парлямэнтарам” старшыня Дзяржаўнага камітэту па авіяцыі Хведар Іваноў, дакумэнт быў падпісаны ў красавіку 2001 году ў Багдадзе.
Паводле ягоных словаў, перадае БелаПАН, ратыфікацыя пагадненьня “створыць цьвёрдую аснову для разьвіцьця паветраных зносінаў паміж Беларусяй і Іракам ў будучыні”.
Зараз, паведаміў старшыня дзяржкамітэту, рэгулярных паветраных зносінаў паміж Менскам і Багдадам няма, ажыцьцяўляюцца толькі чартарныя рэйсы; іх ў 2002 годзе было пакуль чатыры. Аднак, мяркуе Іваноў, магчыма, праз 3-4 гады паветраныя зносіны паміж двума краінамі стануць рэгулярнымі.
